2018 jyly da aýyl­sharý­a­shylyq jobalaryn qarjy­landyrý jalǵasady

Agrarlyq sektordaǵy kooperasııany tıimdi yntalandyrý tetikteriniń biri – jeńildikpen nesıeleý. Osy maqsatta Qor arnaıy nesıe baǵdarlamalaryn ázirledi jáne iske engizdi. 

– Qor qyzmetindegi negiz­gi basymdyq – Elba­sy­nyń usaq taýarly sharýa­shy­lyqtardy biriktirip, aýylsharýashy­lyq kooperasııasyn damytý jónindegi tapsyrmasyn oryn­daý, – deıdi «Aýyl sharýa­shylyǵyn qarjylaı qol­daý qory» AQ basqarma tóraǵasy Jandar Omarov.–Nátıjeli jumyspen qamtý jáne jappaı kásipkerlikti damytý baǵdarlamasy men Agroónerkásiptik keshendi damytý baǵdarlamasy bo­ıynsha, sonymen qatar Qor óz qarajaty esebinen jalpy somasy 45,7 mıllıard teńgege 12,6 myń nesıe berdi. Qarjylanǵan jobalar bo­ıynsha 13 myńnan asa adam jumyspen qamtyldy.  «QazAgro» holdınginiń enshiles uıymy bolyp tabylatyn Qor búginde kóptegen kórsetkishter boıynsha jedel ósýdi kórsetip otyr. Aýyl­dy shaǵyn nesıeleýdiń eń iri operatory, ıaǵnı Aýyl sharýa­shylyǵyn qarjylaı qoldaý qory sońǵy bes jyl ishinde jyl saıynǵy qarjy­laı kómek kólemin tórt ese ulǵaıtty. 

Qazirgi tańda Qordyń qaty­­sýy­men qurylǵan kooperatıv­ter aýylsharýashylyq ónimin jı­naýǵa jáne daıyn­daýǵa ki­risti. Olardyń bir­qatary ónim­­di ári qaraı qaıta óńdeý­ge, taýarly sút taǵam­daryn, shu­jyq­tardy, jartylaı fabrıkattardy shyǵarýǵa da kirisip ketti.  Qor qarjylandyrǵan ko­o­peratıvterdiń biri – Qara­ǵandy oblysynyń Shet aýda­nyndaǵy «Alǵa» koope­ra­tıvi. Alǵashynda quramynda 20 qatysýshysy bolǵan bir­lestiktiń búginde 40-tan astam qatysýshysy bar. 

Kooperatıvke kirgen sharýa­­­shylyqtar qandaı ta­bysqa qol jetkizdi degen saýal týyn­­daıdy. Birinshiden, jeńil­detil­gen nesıeleýge qol jetkizdi. Shaǵyn nesıe retin­de berilgen 82,3 mln teńge 630 iri qara mal basyn satyp alýǵa jumsaldy. Ekin­shi­den, kooperatıv aýylda mal soıatyn beketti ornatty. Modýl­dik jabdyqtyń jarty soma­sy memlekettik sýbsıdııa ese­binen tólenip, qalǵan jar­tysyn kooperatıv 7 jyl ishin­de qaıtarady. Úshinshiden, óndi­rý­shiler ónimdi taýarlyq zat­tarmen sapaly túrde alatyn boldy. 

Soltústik Qazaqstan oblysyna qarasty Qyzyljar aýdanynyń «Krasnyı ıar» kooperatıvi óz aýylynda qus fermasyn ashty. Jeńildik­pen nesıeleý asyl tuqymdy qazdardy jáne ónerkásiptik ınkýbatordy satyp alýǵa múm­kindik berdi. Endigi jerde mal soıatyn jáne mamyqty qaıta óńdeý sehyn ashýdy josparlap otyr. 

Jalpy, Qordyń qoldaýy­men 160 sút qabyldaý beketi, 70 mal soıý beketi qarjylan­dyrylyp, bordaqylaý úshin 100 myń iri qara mal jáne 28 myńnan asa sútti iri qara mal satyp alyndy, 51 sút tasy­maldaý kóligi men 42 refrı­je­rator satyp alyndy. Qu­ryl­ǵan kooperatıvter tolyq ju­mys istegende jyl saıyn 67,5 myń tonna sút, 24 myń tonna et, 10 myń tonna alma, 15 myń tonna basqa aýylsharýashylyq ónimin daıyndaıtyn bolady. 

2018 jyly da aýyl­sharý­a­shylyq jobalaryn qarjy­landyrý jalǵas­ty­ryl­ady. Bul oraıda Aýyl sharýashylyǵyn qarjylaı qoldaý qory jalpy somasy 45 mlrd teńgeden astam nesıeleýdi josparlap otyr. 

Jylqybaı JAǴYPARULY, «Egemen Qazaqstan»