Aýǵanstannyń Kabýl qalasynda jarylys bolyp, 41 adam opat boldy. Sondaı-aq, 80-nen astam turǵyn túrli deńgeıde jaraqat aldy. Bul týraly bbc.com habarlady.
Jankeshti shıi baǵytyn ustanatyndardyń ǵımaratyna enip, ózin ózi jaryp jibergen. Aýǵanstannyń ishki ister mınıstrligi bul oqıǵadan keıin artynsha taǵy eki jerde jarylys bolǵanyn habarlady.
Terrorshynyń áreketinen sol mańaıdaǵy Afghan Voice aqparat agenttiginiń redaksııasy da zardap shekti. Oqys oqıǵany IGIL sodyrlary uıymdastyrdy degen aqparat bar. Sebebi, sońǵy aılarda atalǵan top músheleri Aýǵanstannyń túrli provınsııalaryndaǵy shıilerge jıi shabýyldap júr.
Al Afghan Press qyzmetkeri ǵımarattan ondaǵan adamnyń máıiti shyǵarylǵanyn aıtty. Shabýyl kezinde ǵımaratta joǵary oqý oryndarynyń stýdentteri, aqparattyq qyzmetkerler bolǵan.
О́tken dúısenbi kúni, ıaǵnı 25 jeltoqsanda Kabýlda barlaý qyzmetiniń ǵımarattar kesheninde jarylys bolyp, on adam qaza tapqan.
IGIL uıymy 2015 jyly qańtarda Aýǵanstan jerinde «Horasan» bólimi qurylǵanyn habarlaǵan bolatyn. Túrli málimetterge baılanysty atalǵan toptyń 1000-5000 sodyry bar.