Kaspıı mańy memleketteri Qara jáne Jerorta teńizderindegideı porttarda kemelerdi memlkettik baqylaý biryńǵaı rejımin bekitýge sheshim qabyldady. Sol sebepti QR Investısııalar jáne damý mınıstrligi basqa elderdiń salalyq vedomstvolarymen porttyq baqylaýdy iske asyrý tártibine qatysty kelisý jóninde jumystar atqarýda, dep habarlaıdy Investısııalar jáne damý mınıstrliginiń baaspasz qyzmeti.
Biryńǵaılanǵan tásil teńiz kemeleriniń tehnıkalyq qaýipsizdigin arttyrýǵa jáne aımaqta sýbstandartty kemelerdi paıdalanýdy boldyrmaýǵa múmkindik beredi. Bul óz kezeginde teńiz avarııalarynyń sanyn azaıtýǵa, keme ekıpajy músheleri men jolaýshylar ómiriniń qaýipsizdigin arttyrýǵa, kólik quraldary men júkterdiń saqtalýyn qamtamasyz etýge yqpal etedi.
Sonymen birge, tehnıkalyq jaǵdaıy jaqsy kemelerdi tekserý sany qysqarady jáne kemeniń júzý qaýipsizdigi turǵysynan qaýipti kólik quraldaryn tekserý úshin resýrstardy paıdalaný tıimdiligi artady.
Qazirgi ýaqytta Kaspııde 1600-ge jýyq teńiz kemesi paıdalanylýda. Olardyń 320-sy Qazaqstan týymen júredi. 2017 jyly qazaqstandyq porttarǵa shamamen 2 myń keme kirgen.