Parlament Májilisiniń depýtattary Omarhan О́ksikbaev pen Qudaıbergen Erjan Jambyl óńirine sapary barysynda oblystyń birqatar seriktestikteri men kásiporyndarynda boldy.
Halyq qalaýlylary áýeli «Qazfosfat» jaýapkershiligi shekteýli seriktestiginiń «Mıneraldy tyńaıtqyshtar zaýytyna» baryp, ondaǵy jumys barysymen tanysty. Jylyna 225 myń tonna ammofos, 16,4 tonna azyq-túlik fosfaty, 600 tonna kúkirt qyshqyly óndiriletin atalǵan zaýytta bul kúnde 962 adam jumys isteıdi.
Budan keıin depýtattar Taraz qalasyndaǵy «TarazKojobýv» seriktestigine keldi. Jylyna 157 myń par bylǵary aıaq kıim shyǵaratyn zaýytta 365 adam eńbek etedi. Májilis depýtattary budan soń Baızaq aýdanyndaǵy Qyzyl Juldyz aýylynda ornalasqan «Rola-7» jaýapkershiligi shekteýli seriktestigine bardy. O.О́ksikbaev JShS múshelerimen kezdesýde Elbasynyń «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» Joldaýyndaǵy aıtylǵan máselelerge egjeı-tegjeıli toqtaldy.
Hamıt Esaman, «Egemen Qazaqstan»
Jambyl oblysy