Shymkent qalasynda ótken túni qalyń qar jaýdy. Qalada aǵashtar qulap, keıbir aýdandarda elektr jelileri úzildi. Qolaısyz aýa raıynyń saldarynan 4-synyp oqýshysy qaza tapty. Balany aýla sypyrýshylar taýyp, jedel járdem shaqyrǵan. Qaıǵyly jaǵdaıdy qala ákimdigi rastady, dep habarlaıdy Egemen.kz.
11 aqpan keshke Elshibek batyr kóshesindegi úılerdiń biriniń aýlasynda úlken aǵash butaǵy qardyń salmaǵyn kótere almaı, qulap ketken. Sol sátte tómende mektep oqýshysy turǵan. Ol alǵan jaraqattarynyń saldarynan jedel járdem kelgenge deıin kóz jumdy.
Qaıǵyly jaǵdaıǵa baılanysty qala ákiminiń tapsyrmasymen oqıǵanyń barlyq mán-jaıyn anyqtaý úshin arnaıy komıssııa quryldy. Bılik ókilderi marqumnyń týystary men jaqyndaryna kóńil aıtyp, jan-jaqty kómek pen qoldaý kórsetiletinin málimdedi.
Ákimdik ókilderi ylǵaldy qardyń aǵashtar men álsiz bekitilgen nysandarǵa úlken salmaq túsiretinin eskertedi. Sondaı-aq turǵyndarǵa avtokólikterdi aǵashtardyń, elektr jelileriniń jáne álsiz bekitilgen qurylymdardyń astyna qoımaýǵa keńes beredi.
Shymkentte jaldamaly páterden úsh adamnyń máıiti tabyldy