Búgin jarııalanǵan Qazaqstan Respýblıkasynyń jańa Konstıtýsııasynyń qorytyndy jobasynda Memleket basshysyn kezekti saılaý tártibi men daýys berý qorytyndysyn shyǵarýdyń talaptary aıqyndaldy, dep jazady Egemen.kz.
«Qazaqstan Respýblıkasynyń Prezıdentin Qazaqstan Respýblıkasynyń kámeletke tolǵan azamattary konstıtýsııalyq zańǵa sáıkes jalpyǵa birdeı, teń jáne tóte saılaý quqyǵy negizinde jasyryn daýys berý arqyly jeti jyl merzimge saılaıdy», delingen Ata zańda.
Esterińizge sala keteıik, Konstıtýsııaǵa sáıkes bir adam bir retten artyq Prezıdent bolyp saılana almaıdy.
«Qazaqstan Respýblıkasynyń Prezıdenti bolyp týmysynan Qazaqstan Respýblıkasynyń azamaty bolyp tabylatyn, qyryq jasqa tolǵan, memlekettik tildi jetik meńgergen, Qazaqstanda sońǵy on bes jyl boıy turatyn, joǵary bilimi bar jáne memlekettik qyzmette nemese saılanbaly memlekettik laýazymda keminde bes jyl jumys istegen Qazaqstan Respýblıkasynyń azamaty saılana almaıdy», delingen Konstıtýsııada.
Quryltaı depýtattary qalaı saılanady?
Prezıdenttiń kezekti saılaýy onyń ókilettik merzimi aıaqtalǵanǵa deıin eki aıdan keshiktirilmeı ótkiziledi jáne Quryltaıdyń jańa quramyn saılaý merzimimen tuspa-tus kelmeýge tıis.«Daýys berýge qatysqan saılaýshylardyń elý paıyzynan astam daýysyn alǵan kandıdat saılandy dep sanalady. Kandıdattardyń eshqaısysy elý paıyzdan astam daýys ala almasa, eń kóp daýys sanyn alǵan eki kandıdat qaıta daýysqa salynady. Daýys berýge qatysqan saılaýshylardyń eń kóp daýys sanyn alǵan kandıdat saılandy dep sanalady», delingen Ata zańda.
Sondaı-aq qujatta Quryltaı depýtattarynyń ókilettik merzimi 5 jyl bolatyny jazylǵan.