Byltyr elimiz Iranǵa bıdaı eksporttaý jumystaryn tabysty aıaqtaǵan bolatyn. Al Irandaǵy geosaıası jaǵdaı saýda qatynastaryna áser etýi múmkin. Bul týraly Premer-mınıstrdiń orynbasary – Ulttyq ekonomıka mınıstri Serik Jumanǵarın aıtty, dep jazady Egemen.kz.
Serik Jumanǵarınniń aıtýynsha, byltyr eksportqa 1 mln 200 myń tonnadan astam bıdaı shyǵarylyp, jalpy taýar aınalym 430 mln dollarǵa deıin jetken.
Azyq-túlik nege qymbattap jatyr? Serik Jumanǵarın baǵa ósiminiń sebepterin atady
«Sol sebepti qazirgi jaǵdaı bul proseske áser etýi múmkin. Qazir kásipkerler shamaly toqtap qaldy. Logıstıkalyq baılanys pen saqtandyrý sharttary ózgerip jatyr. Aqsha tólemi durys bola ma, bolmaı ma – naqty aıtý qıyn. Shamaly ýaqyt kerek. Qazir naqty eshteńe aıta almaımyz. Byltyr da ahýal shıelenisti boldy. Soǵan qaramastan taýarymyzdy jiberip, aqshamyzdy aldyq», dedi vıse-premer.
Irannyń jańa Joǵarǵy kóshbasshysy saılandy