Úkimette Premer-mınıstrdiń orynbasary Qanat Bozymbaevtyń tóraǵalyǵymen Energetıkalyq jáne kommýnaldyq sektorlardy jańǵyrtý jónindegi ulttyq jobany júzege asyrý barysy talqylandy. Jıynda birqatar kórsetkishterdiń oryndalýy kesheýildep otyrǵany aıtylyp, nysanaly ındıkatorlarǵa qol jetkizbegen laýazymdy tulǵalardyń jeke jaýapkershiligi qaralatyny eskertildi, dep habarlaıdy Egemen.kz.
Búginde ulttyq joba aıasynda maquldanǵan jobalardyń jalpy quny 974 mlrd teńgeni quraıdy. Onyń ishinde 34 joba – iske asyrý kezeńinde, 130 joba – EPC-merdigerlerdi aıqyndaý satysynda jáne 145 joba irikteýdiń túrli kezeńderinen ótýde.
«Báıterek» holdıngi myńnan astam ótinimdi qarap, ekinshi kezeńde jalpy somasy 300 mlrd teńgeden asatyn 144 jobany kelisken. Sonyń ishinde:
89 joba – Qazaqstannyń damý banki men ekinshi deńgeıli bankter arqyly tikeleı kredıtteý tetigimen; 55 joba – Qazaqstandyq turǵyn úı kompanııasy arqyly memlekettik baǵaly qaǵazdardy satyp alý tetigimen maquldanǵan.Ákimdikterdiń ulttyq jobany iske asyrýǵa daıyndyǵy boıynsha reıtıng jasaldy. Almaty qalasy, Qaraǵandy jáne Almaty oblystary aldyńǵy qatarda. Al Mańǵystaý men Ulytaý oblystary ázirge artta qalyp otyr.
Kárizdik-tazartý qurylystaryn salý jáne jańǵyrtý baǵytynda 16 joba tolyq iske asyrýǵa daıyn, taǵy 6 joba pysyqtaý jáne ákimdikterdiń túpkilikti sheshimin kútý satysynda tur.
Ekonomıkany ártaraptandyrý – Úkimettiń mańyzdy baǵyty
Sý jabdyqtaý salasynda zamanaýı esepke alý júıelerin engizý úshin arnaıy standarttar ázirlendi. Qujattar Ádilet mınıstrliginde tirkeýden ótýde.
EKSJ elektrondyq satyp alý platformasy boıynsha baılanys ortalyǵy (8 7172 99-94-36) iske qosylyp, osy ýaqytqa deıin 800-den astam ótinish tirkelgen. Qazirgi tańda platformany Bitrix júıesimen yqpaldastyrý jumystary aıaqtalýǵa jaqyn.
Jaýapkershilik kúsheıtilediQanat Bozymbaev bekitilgen Jospar-kestege qaramastan, jekelegen kórsetkishter boıynsha artta qalý bar ekenin atap ótti. Ár ındıkator úshin jaýapty memlekettik organdar belgilengen. Vıse-premer árbir nysanaly kórsetkish boıynsha naqty ári egjeı-tegjeıli esep berýdi talap etti.
Merzimderdiń buzylýy anyqtalǵan jaǵdaıda jaýapty tulǵalardyń jeke jaýapkershiligi qaralady.
Ulttyq ekonomıka, О́nerkásip jáne qurylys mınıstrlikterine TKSh Qazortalyǵymen jáne ákimdiktermen birlesip, 10 naýryzǵa deıin elektrondyq platformada barlyq konkýrstardy jarııalaý, EPC-merdigerlerdi tolyq tirkeý jáne túsindirý jumystaryn júrgizý tapsyryldy.
Ákimdikterge máslıhattarmen birlesip, memlekettik baǵaly qaǵazdardy shyǵarý rásimderin jedeldetý júkteldi. Qarjy mınıstrligi «QTK» AQ-pen birge jobalardy ótinim túsken saıyn súıemeldeýi tıis. Al «Báıterek» UBH» AQ-ǵa aı sońyna deıin Dúnıejúzilik bankti tarta otyryp, kárizdik-tazartý jobalaryn qarjylandyrý kelisimderin jedeldetý mindeti qoıyldy.
Jobalyq keńse elektrondyq platforma jumysyna qatysty barlyq ótinishterge jedel jaýap berip, qatysýshylarǵa satyp alýdyń barlyq kezeńinde tehnıkalyq jáne konsýltasııalyq qoldaý kórsetýi qajet.
Ulttyq joba energetıka jáne kommýnaldyq ınfraqurylymdy túbegeıli jańǵyrtýǵa baǵyttalǵan. Endigi mindet – bekitilgen jospardy ýaqytyly ári sapaly oryndaý.
Qazaqstan Úkimeti men Azııa damý banki 15 jańa jobany júzege asyrady