Qyzylorda oblysy Polısııa departamenti osy saladaǵy basty jetistik retinde joldaǵy quqyqbuzýshylyqtardy avtomatty túrde anyqtaıtyn 124 qurylǵynyń jumys istep turǵanyn aıtady. Osy arqyly 7 myńǵa jýyq quqyq buzýshylyq anyqtalǵan, dep jazady Egemen.kz.
Qyzylorda qalasynan Aqtóbe oblysynyń shekarasyna deıingi aralyqtaǵy 6 stasıonarlyq baqylaý beketterinde ortasha jyldamdyqty ólsheý qurylǵylary iske qosyldy. Al respýblıkalyq mańyzy bar avtomobıl joldarynda baqylaýdy kúsheıtý úshin jaqyn ornalasqan 32 eldi mekenniń ýchaskelik polısııa ınspektorlary qyzmettik avtokólikterimen kún saıyn saǵat 12:00 men 13:00 jáne 19:00 men 22:00 aralyǵynda qosymsha kúsh retinde kezekshilikke bekitildi.
Joldaǵy «qaraly statıstıka» qashan azaıady?
Sonymen qatar respýblıkalyq mańyzy bar avtomobıl joldarynyń boıyndaǵy qaýipti sanalatyn 51 aýmaq boıynsha málimetterdi «Iаndeks» navıgasııalyq qosymshasyna engizý jóninde usynys berildi.
Avtojol boıynda qarsy baǵytqa shyǵýdy, burylys erejelerin buzýdy jáne basqa da quqyqbuzýshylyqtardy anyqtaý maqsatynda departament teńgerimindegi 4 jáne «Qazaqtelekom» mekemesiniń qoldaýymen qosymsha 2 dron jol boıyn baqylaıdy.