Senat depýtattary Manap Kóbenov pen Nurjan Nursıpatovtyń Pavlodar oblysynyń ákimi Bolat Baqaýovpen kezdesýi barysynda aımaqtyń tynys-tirshiligi týraly aıtyldy jáne turǵyn úı qurylysy men densaýlyq saqtaý nysandary, sondaı-aq sý qubyry jelisin jańǵyrtý máseleleri egjeı-tegjeıli talqylandy.
M.Kóbenov Ertis óńiriniń ekonomıkalyq damý qarqynyn joǵary baǵalady jáne áleýmettik mańyzy zor jobalardy iske asyrýǵa qajetti ázirlik týraly aıtty.
Senatorlar Pavlodar aýdanyndaǵy Lýgansk aýylynda aımaqtaǵy iri óndiristik kooperatıvterdiń biri – «Lýgansk» taýarly sút fermasynyń qurylysynda boldy. Kásiporyn jetekshisi Petr Kýzmenko depýtattardy nysan qurylysy týraly habardar etti. 316 múıizdi iri qara malǵa arnalǵan kásiporyn jobasynyń jalpy quny 250 mıllıon teńgeni quraıdy.
Farıda BYQAI, «Egemen Qazaqstan»
Pavlodar oblysy