Batys Qazaqstan oblysyndaǵy Shyńǵyrlaý aýdany – tabıǵı gazben 100 paıyz qamtamasyz etilgen óńir sanatyna qosyldy. Aýdan ortalyǵynan eń shalǵan jatqan eldimekenniń biri – Aqsýat aýyly 2018 jyldyń basynda kógildir otyn jelisine qosyldy.
Batys Qazaqstan oblysynyń shyǵys bóliginde ornalasqan, aýmaǵy - 7,2 myń sharshy shaqyrymdy quraıtyn Shyńǵyrlaý óńiri Reseı Federasııasynyń Orynbor oblysymen shektesedi. Shekaralyq aýdanda búgingi tańda jalpy sany 15304 adam turyp jatyr. Aýdandaǵy 8 aýyldyq okrýg, ondaǵy irili-usaqty 20 eldimekenge túgelimen tabıǵı gaz qubyry jetkizildi.
Aqsýat – Qaraǵash aýyldyq okrýgine qaraıtyn, 31 úıden ǵana turatyn shaǵyn eldi meken. Negizgi mektebi, mádenıet úıi, feldsherlik pýnkti sekildi birneshe áleýmettik nysan qyzmet etip turǵan uıadaı aýylda 425 adam tirshilik etedi. Aýdan ortalyǵynan shetkeri jatqandyqtan aqsýattyqtar tabıǵı gaz ıgiligin kóre almaı júrgen edi. Munyń da sheshimi tabyldy, gaz qubyry irgedegi Syrym aýdany aýmaǵynan tartyldy.
- Aqsýat aýylyna tabıǵı gaz qubyry jetkizilýi – Elbasy tapsyrmalarynan týyndap otyrǵan naqty josparly qadamnyń edi. Biz Shyńǵyrlaý aýdany aýmaǵyn túgel qamtyǵan aýqymdy jumysty oryndap shyqtyq, - dedi óz sózinde aýdan ákiminiń orynbasary Tilepbergen Qaıypov.
Qazbek QUTTYMURATULY
«Egemen Qazaqstan»
Batys Qazaqstan oblysy