Erteńgi kúnge senimdilikti ornyqtyrady

Elbasymyzdyń alysty bol­jaǵan kóregen saıasaty nátı­je­sinde elimiz bıik belesterdi ba­ǵyn­dyrdy: Qazaq­stan 2017 jy­ly BUU Qaýipsizdik Keńesiniń tu­raqty emes múshesi boldy, ja­ńa jyldan bastap bizdiń elimiz oǵan tóraǵalyq etýde. TMD el­deri arasynda birinshi bolyp dúnıejúzilik mamandandyrylǵan EKSPO kórmesin ótkizdik.

Prezıdentimiz óziniń Jol­daýyn­da bizdi qol jetkizgen bıik­terde toqtalyp qalmaýǵa shaqy­ra­dy jáne kókeıimiz­de erteńgi kúnge senimdilikti ornyqtyrady.

Elbasy Qazaqstan damýy­nyń jáne álemniń neǵurlym damyǵan 30 eliniń qataryna ený jónindegi 10 negizgi mindetti bizdiń aldymyzǵa qoıyp otyr. Solardyń ishinde segizinshi mindet – Tıimdi memlekettik bas­qarý» aýqymynda «Bir tereze» qaǵıdaty boıynsha bıznes­ke mem­lekettik qoldaý kór­setý úde­ris­­terin sıfrlandyrýdy qam­­tamasyz etý.

Nursultan Nazarbaev óziniń Joldaýynda kúndelikti ómir­diń eń kókeıkesti degen sala­la­ry­na nazar aýdara otyryp, el damýynyń neǵurlym mańyz­dy baǵyttaryn ashyp kórse­tedi. Munyń ózi memleket tara­py­nan qabyldanyp otyr­ǵan bar­lyq sharalardyń qazaq­stan­dyq­tardyń ál-aýqatyn jaq­sar­týǵa, elimizdiń ekonomıkasyn, áleý­mettik salany damytýǵa baǵyt­talǵanyn taǵy da aıǵaqtap otyr.

Qazaqstandyq ındýstrııa jańa tehnologııa­ny engizýdiń bas­taýshysy bolýy tıis. Bizge buǵan óndiristik pr­o­ses­terdi sıfrlandyrý jáne za­ma­naýı bıznes-modelderdi ıge­rý arqyly eńbek ónimdiligin art­tyrý esebinen qol jetkizýge bolady.

Bank júıesin saýyqtyrý, agroóner­kásip keshenin, kólik jáne logıstıkalyq ınfra­qury­lym­dy damytý esebinen qarjy sek­torynyń jumysyn kóbeıtýge baı­lanysty máse­leler de kún tár­tibinde tur.

Zań ústemdigin nyǵaıtý jáne sy­baılas jemqorlyqpen kúres­ke qatysty jaılarǵa da erek­she nazar aýdarylady. Osyǵan baıla­nysty Memleket basshysy memlekettik organdarda olar­dyń turǵyndarmen jáne bıznes­pen ózara áreketin, sondaı-aq sot jáne quqyq qorǵaý júıe­leri­­niń ınstıtýsıonaldyq qaı­ta qu­ry­lymyn qamtı otyryp, proses­terdi sıfrlandyrý­dy qajettilik dep sanaıdy. 

Prezıdenttiń kezekti Jol­daýy elimizdi odan ári jań­ǵyr­týdyń mańyzdy yntalandyrýshysy bolyp tabylady, sondaı-aq árbir qazaqstandyq úshin is-áreketke basshylyq retin­de qyz­met etedi. 

Marat TAǴYMOV, Parlament Senatynyń depýtaty