Ońtústik Qazaqstannyń «Ordabasy» klýby reseılik «Krasnodarmen» joldastyq kezdesý ótkizdi.Bul týraly «Ordabasy» klýbynyń baspasóz qyzmeti habarlady.
Antalıa qalasyndaǵy «Kalısto» stadıonynda ótken eki komandanyń oıyny teń nátıjemen aıaqtaldy. Baspasóz qyzmetinen habarlaǵandaı, komandanyń qarsylasy «Krasnodar» quramynda negizinen jastar óner kórsetken. Oıynnyń birinshi kezeńi qonaqtardyń basymdyǵymen ótip, nátıjesinde reseılikter qatarynan úsh gol salǵan.
Oıynnyń ekinshi kezeńinde «Ordabasy» oısyrata soqqy berýge kóshken. Ese qaıtarýdaǵy eki goldy Erkebulan Tuńǵyshbaev pen Abdýlaı Dıakate soqty. Al, úshinshi goldyń jaǵdaıyna kelsek, kezekti shabýyl kezinde Dıakateniń tepken dobyn qaqpashylardyń biri keri qaıtaramyn dep, abaısyzda óz qaqpasyna engizip aldy. Osylaısha esep 3:3 nátıjemen teń aıaqtady.