Tuǵyrnama talqylanyp, delegattar saılandy

«Nur Otan» HDP oblystyq fılıaly saıası keńesiniń keńeıtilgen otyrysyna oblystyq fılıal basshylyǵy men apparatynyń qyzmetkerleri, bıýrosy men saıası keńesiniń músheleri, barlyq deńgeıdegi máslıhattar depýtattary, partııanyń aýmaqtyq fılıaldary tóraǵalarynyń birinshi orynbasarlary, oblystyq departamentteri men basqarmalarynyń basshylary qatysty. Keńeıtilgen otyrysta «Nur Otan» HDP-nyń «Qazaqstan. 2017. Maq­sat­tary. Ulttyq is-qımyl jospary» atty saılaýaldy tuǵyrnamasynyń jobasy týraly «Nur Otan» HDP oblystyq fılıalynyń tóraǵasy Bal­ǵalı Ordabaev baıandady. Ol 2012 jyldyń 15 qańtarynda ótetin Parlament Májilisiniń kezekten tys jáne máslıhattar depýtattarynyń saılaýy mańyzdy saıası shara ekenin aıta kelip, eldegi eń yqpaldy saıası kúsh – «Nur Otan» HDP-nyń saı­laý­aldy tuǵyrnamasyna jan-jaqty toqtaldy. Tuǵyrnamany talqylaýǵa qa­tys­qan «Nur Otan» HDP Saıası keńe­si­niń múshesi, oblystyq avtomobıl joldary departamantiniń dırek­to­ry Baǵlan Baımaǵambetov, «Nur Otan» HDP Aqtóbe qalalyq fı­lı­a­ly tóraǵasynyń birinshi oryn­ba­sary Ahat Myrzalın, Beıbitshilik pen kelisim keńesi oblystyq bó­lim­shesiniń tóraǵasy Keldibaı Espaǵam­betov jáne basqalary partııanyń saılaýaldy tuǵyrnamasy týraly oılaryn ortaǵa salyp, ony el da­mýyna qyzmet etetin baǵdarlamalyq mańyzǵa ıe qujat retinde baǵalady. Otyrysta ústimizdegi jylǵy 25 qarashada Astanada ótetin «Nur Otan» HDP-nyń kezekten tys XIV sezine óńirdiń qoǵamdyq-saıası ómi­rine belsene qatysyp júrgen 28 partııa múshesi delegat bolyp saılandy. Satybaldy SÁÝIRBAI, Aqtóbe oblysy.