Ulytaý oblysynda «Ádiletti jáne Progressıvti Qazaqstannyń Halyqtyq Konstıtýsııasy úshin!» óńirlik koalısııa jumysyn bastady, dep habarlaıdy Egemen.kz.
Bul – konstıtýsııalyq reformalardy halyqqa keńinen túsindirýge baǵyttalǵan júıeli jumystyń kezekti ári mańyzdy kezeńi. Ulytaý oblysynyń óńirlik koalısııasynyń quramyna bes saıası partııanyń, sondaı-aq kásipodaq uıymdarynyń, ardagerler keńesiniń, óńirdiń negizgi qoǵamdyq kúshteriniń ókilderi kirdi.
О́ńirlik koalısııanyń ashylýyna Ulytaý oblystyq máslıhatynyń tóraǵasy, oblystyq Koalısııa tóraǵasy, Konstıtýsııalyq reformalar jónindegi komıssııa múshesi Baýyrjan Shyńǵysov, Ulytaý oblysy ákiminiń orynbasary, óńirlik koalısııa tóraǵasynyń orynbasary Zına Aqylbekova, partııa tóraǵalary men koalısııa músheleri qatysty.
Baýyrjan Shyńǵysov Konstıtýsııalyq reforma jónindegi keńestiń 12 otyrysy ótkendigin, 10 myńnan astam ótinish kelip túskendigi jaıynda aıtyp ótti. Moderator, «AMANAT» partııasy Ulytaý oblystyq fılıalynyń atqarýshy hatshysy Erlan Myrzabekov bir aıǵa sozylatyn túsindirme jumystarynynyń josparymen bólisti.
«Aýyl» partııasy Ulytaý oblystyq fılıalynyń tóraǵasy Abzal Jıenbaev, «Aq jol» partııasy Ulytaý oblystyq fılıalynyń tóraǵasy Álibek Isın, «Qazaqstan Halyq partııasy» Ulytaý oblystyq fılıalynyń tóraǵasy Orazaly Baqyrbaev birlese jumys isteýge daıyn ekendikterin jetkizdi.
Jańa Konstıtýsııa jobasy boıynsha referendýmda qansha adam daýys bere alady?
О́ńirlik koalısııa músheleri jańa Konstıtýsııa jobasy memlekettiń saıası júıesin odan ári jańǵyrtýǵa, áleýmettik kepildikterdi nyǵaıtýǵa, kásipkerlikti qoldaýǵa, ǵylymdy, mádenıetti jáne ulttyq qundylyqtardy damytýǵa baǵyttalǵan strategııalyq baǵdarǵa tolyq sáıkes keletinin atap ótti.
15-naýryzǵa belgilengen referendýmǵa azamattardyń sanaly túrde qatysýyn qamtamasyz etý maqsatynda eńbek ujymdarymen, sarapshylar qaýymymen jáne turǵyndarmen Koalısııa músheleri túsindirý jumysyn bastaýdy josparlap otyr. Sonyń ishinde shalǵaı eldi mekender de bar. Sebebi árbir qazaqstandyq azamattyń daýysy asa mańyzdy.