Astanada Qazaqstan Respýblıkasynyń jańa Konstıtýsııasy jobasyn talqylaýǵa arnalǵan «Ustanym» ulttyq pikirtalas klýbynyń otyrysy ótti.
Jıynǵa Parlament depýtattary, konstıtýsııalyq reforma jónindegi komıssııa músheleri, úkimettik emes uıymdardyń basshylary men azamattyq alıanstardyń kóshbasshylary qatysty.
Kezdesý barysynda konstıtýsııalyq ózgeristerdiń negizgi baǵyttary, olardy iske asyrýdaǵy azamattyq qoǵam ınstıtýttarynyń róli, sondaı-aq saıası-quqyqtyq jańǵyrý úderisterine qoǵamdyq qatysýdyń tıimdi tetikteri jan-jaqty talqylandy.
Otyrys aıasynda Qazaqstannyń Azamattyq alıansynyń prezıdenti, «Ádiletti jáne progressıvti Qazaqstannyń halyqtyq Konstıtýsııasy úshin!» jalpyulttyq koalısııasynyń ókili Baný Nurǵazıeva sóz sóılep, jańa Konstıtýsııa jobasy zamanaýı syn-qaterlerge jaýap beretin, el damýynyń strategııalyq baǵytyna saı myqty ári ádiletti Qazaqstandy qalyptastyrýdyń berik quqyqtyq negizine aınalatynyn atap ótti.
Sonymen qatar memleket pen qoǵam arasyndaǵy ózara is-qımyldy jetildirý, strategııalyq qujattardy talqylaýǵa azamattardyń qatysý aıasyn keńeıtý jáne zań shyǵarý úderisiniń ashyqtyǵyn arttyrý máseleleri qozǵaldy.
Is-shara qorytyndysy boıynsha demokratııalyq ınstıtýttardy nyǵaıtýǵa jáne reformalardy iske asyrýda syndarly qoǵamdyq qatysýdy damytýǵa baǵyttalǵan usynymdar qabyldandy.