Elbasy Nursultan Nazarbaevtyń bıýdjetten eńbekaqy alatyn azamattyq qyzmetkerlerdiń eńbekaqysyn arttyrý jónindegi tapsyrmasyn tıimdi túrde oryndaý is júzinde qıyn bolyp otyr. О́ıtkeni osy qyzmetkerlerdiń eńbekaqysyn retteý jónindegi qazirgi qoldanylyp júrgen ádisnamanyń ózi eskirgen. Ony 2008-2010 jyldardaǵy álemdik qarjy daǵdarysy kezinen bastap qoldanyp kelemiz.
Sol daǵdarys jyldarynda eshqandaı ǵylymı, ekonomıkalyq negizi joq «bazalyq jalaqy» degen túsinik engizdik. Bul daǵdarys jyldarynda eńbekaqyny retteýge birshama paıdasyn tıgizdi. Alaıda keıingi, ekonomıkalyq jaǵdaı turaqtanǵan ýaqyttarda ony ózgertý kerek edi, biraq ol 2011 jyldan beri bir orynnan myzǵymaı, áli sol qalpynda tur. Arada 7 jyl ótti, osy ýaqytta bul kórsetkishtiń qaıta qaralmaǵany ókinishti. Osyǵan eshkim kóńil bólmeı otyr.
Sondyqtan men Úkimet basshysy Baqytjan Saǵyntaevtyń atyna depýtattyq saýal joldap, osy «bazalyq jalaqy» degen kórsetkishti zaman aǵymyna sáıkes qaıta qaraý kerek ekenin usyndym. Onyń ornyna zańmen bekitiletin eń tómengi eńbekaqy mólsherin qoldaný kerek. Sonda túrli qosymshalar, sonyń ishinde eńbek ótili, biliktilik koeffısıenti jáne t.b. qosylyp, bıýdjetten eńbekaqy alatyn azamattyq qyzmetkerler laıyqty jalaqyǵa qol jetkizetin bolady. Osyndaı jaǵdaıda azamattyq qyzmetkerlerdiń eńbekaqyǵa qatysty narazylyqtary da azaıar edi.
Meniń depýtattyq saýalymdy áriptesim, Qarjy jáne bıýdjet komıtetiniń hatshysy Tatıana Iаkovleva da qoldap, óziniń qolyn qoıdy. Úkimet basshysy bizdiń usynysymyzdy aıaqsyz qaldyrmaı, daǵdarys jyldarynda amalsyz qolǵa alynǵan bazalyq jalaqyny qaıta qaraıtyn shyǵar degen úmittemiz.
Gúljan QARAQUSOVA,
Májilistiń Qarjy jáne bıýdjet komıtetiniń tóraıymy