Qyzylordadaǵy qaıta salynǵan Prezıdent parkiniń saltanatty ashylý rásimi ótti. «Taza Qazaqstan» jalpyulttyq jobasy aıasynda boı kótergen saıabaq aýmaǵynda zamanaýı sýburqaqtar, amfıteatr, sport, oıyn, bı, shahmat, basketbol, fýtbol alańdary, bıiktigi 50 metrlik aınalmaly sholý dóńgelegi, velosıped, júgirý jolaqtary bar.
Oblys ákimi Nurlybek Nálibaev qala turǵyndaryn saıabaqtyń ashylýymen quttyqtap, óńirde «Taza Qazaqstan» jalpyulttyq jobasy aıasynda atqarylǵan jumysty atap ótti.
– Prezıdent Qasym-Jomart Toqaev: «Týǵan jerimizdi eshkim syrttan kelip tazalap, kórkeıtip bermeıdi. Otanymyzdy taza ustaý – ár azamattyń qasterli paryzy», degen bolatyn. «Taza Qazaqstan» jalpyulttyq jobasy tazalyq mádenıetin keńinen nasıhattaýǵa, týǵan jerimizdi kórkeıtýge tyń serpin berdi. Joba aıasynda bıýdjet qarajatynan bólek, kásipkerlerdiń demeýshiligimen ortalyq alańdar, demalys oryndary, oıyn, sport alańdary qaıta jańǵyrtylyp, turǵyn úıler men áleýmettik nysandar zamanaýı úlgide jóndeýden ótkizildi. О́ńirimizde birkelki dızaın kod bekitilip, oblys ortalyǵynan bastap barlyq eldi meken biregeı arhıtektýralyq talaptarǵa sáıkestendirildi. Qyzylorda qalasynda 2 mlrd 905 mln teńgege 83 eski kópqabatty turǵyn úıdiń qasbetteri zamanaýı paneldermen qaptaldy. Bıyl da bul jumys jalǵasyn tabady. Oblys ortalyǵynda jańa nysandar boı kóterip, jasyl jelek pen saıabaqtar sany kóbeıip keledi. О́skeleń urpaq úshin taza, jaıly ári qaýipsiz orta qurý aldaǵy ýaqytta da jalǵasady. «Taza Qazaqstan» jalpyulttyq jobasy aıasyndaǵy aksııalarǵa, tabıǵat qorǵaý sharalaryna jastar men qoǵam belsendileriniń úlesin erekshe aıtýymyz kerek, – dedi óńir basshysy.
Jalpy kólemi 31 gektarlyq saıabaqqa 2 myńnan asa aǵash, 50 myńnan asa sándik buta, 17 túrli kópjyldyq gúl egildi. Onyń aýmaǵynan 300 oryndyq zamanaýı balalar lageri, Botanıkalyq bilim ortalyǵy, toǵyz qabatty 15 turǵyn úı boı kóterip keledi.
QYZYLORDA