Búgin Astana ákimi Áset Isekeshev apparat jıynynda kadrlyq ózgerister týraly aıtty, dep habarlaıdy elorda ákimdiginiń baspasóz qyzmeti.
QR Prezıdenti Ákimshiligindegi memlekettik ınspektor laýazymyna taǵaıyndalýyna baılanysty Ermaǵanbet Bólekpaev Esil aýdanynyń ákimi laýazymy qyzmetinen bosatyldy.
Qala ákimi E.Bólekpaevqa atqarǵan jumystary úshin alǵys bildirip, jańa laýazymynda tabysty bolýyn tiledi.
О́ziniń jeke aryzy boıynsha atqaryp otyrǵan laýazymynan Murat Amanchıev «109 kezekshilik qyzmeti» memlekettik mekemesiniń basshysy qyzmetinen bosatyldy.
Ákim sonymen qatar «109 kezekshilik qyzmeti» MM qaıtadan qurylyp, ataýy «Qalalyq monıtorıng jáne jedel áreket etý ortalyǵy» bolyp ózgergenin jáne dırektory Jannat Dýbırovanyń taǵaıyndalǵanyn habarlady.
«Búginde ortalyq óziniń jumysyn belsendi atqaryp otyr, sol sebepti barlyq shaǵymdarǵa jedel áreket jasaý jáne túsken aryzdarǵa monıtorıng júrgizýdi ári qaraı jalǵastyrýdy tapsyramyn», – dedi Astana ákimi Áset Isekeshev.