Elimizdegi Nazarbaev zııatkerlik mektebi oqýshylarynyń túrli sala boıynsha usynyp júrgen ǵylymı jobalary kóp. Onyń ishinde arnaıy zertteýler men synaqtardan ótip, óndiriske engizilgenderi, satylymǵa shyǵarylǵandary da jeterlik. Sondaı-aq oqýshylar izdenisiniń nátıjesi derlik jobalar mektepte de qoldanylyp, tipti sheteldik qonaqtarǵa qyzmet kórsetýde.
Mysaly, Shymkent qalasyndaǵy hımııa-bıologııa baǵytyndaǵy Nazarbaev zııatkerlik mektebindegi kitaphanada ulttyq kıimdegi kishkentaı qýyrshaqtyń qyzmetin paıdalana alasyz. Úsh tilde erkin sóıleıtin ol kitaphana sóresinde turǵan shyǵarmalar jóninde barlyq maǵlumatty biledi. Qýyrshaqty «sóıletken» 9-synyp oqýshysy Álııa Elshibaı bul jobany «Arduino keremetteri» atty taqyrypta ótken mektepishilik sharada kópshilik nazaryna usynǵan. Mektep kitaphanashylarynyń jumysyn jeńildetetin robotty fızıka pániniń muǵalimi Aınur Nurabaıqyzy ári qaraı jetildire túsýge kómektesken. Kitaphana mekteptiń eń joǵarǵy qabatynda ornalasqan. Iаǵnı, robottyń kúnnen qýat alýyna da barlyq múmkindik qarastyrylǵan.
О́zi oılap tapqan qýyrshaqqa Álııa óz esimin beripti. Joǵaryda aıtyp ótkenimizdeı, mektepke shetelden qonaqtar kóp keledi. Olarǵa qyzmet kórsetip, ıaǵnı mekteptiń tynys-tirshiligimen tanystyrǵysy keletin, aǵylshyn tilinde erkin sóıleı alatyn oqýshylar kóp. «Degenmen, olar bul kezde ózderiniń qatysa almaı qalǵan sabaqtary men tapsyrmalaryn ýaıymdap, oılaryn durys jetkize almaı qalýy ábden múmkin. Bul jaǵdaı meniń osyndaı joba jasaýyma túrtki boldy», deıdi Á.Elshibaı.
Ǵalymjan ELShIBAI,
«Egemen Qazaqstan»