Elimiz turǵyndarynyń densaýlyǵy úshin temir jetispeýshilik jaǵdaıynyń aldyn alý jáne ony boldyrmaý úshin «Halyq densaýlyǵy jáne densaýlyq saqtaý júıesi týraly» QR zańynda otandyq ónim óndirýshiler men ónim usynýshylarǵa tek ǵana baıytylǵan (fortıfıkasııalanǵan) undy satýǵa mindetteıtin normalar bekitilgen.
Oblysta 2017 jyly baqylaýda turǵan 54 un óndiretin kásiporyndardyń 23 ǵana birinshi jáne joǵary suryptardy baıytqan. Sonymen qatar ótken jyly Qostanaı qalasy boıynsha departamenttiń baqylaýyndaǵy 28 dıirmenniń tek 8-i ǵana undy qajetti elementtermen baıytqan. Mundaı kórinis tek Qostanaı qalasynda ǵana emes, oblystyń Taran, Qostanaı, Jitiqara aýdandarynda jáne Rýdnyı men Arqalyq qalalaryndaǵy dıirmenderde oryn alǵan.
Jalpy oblys boıynsha bazarlar men dúkenderde baıytylmaǵan un da satyla beredi. Naýbaıhanalardyń 80 paıyzy nan ónimderin óndirýde jergilikti óndirýshilerdiń baıytylmaǵan unyn paıdalanady.
Názıra Járimbet
«Egemen Qazaqstan»
Qostanaı