Atyraý oblysynda Jaıyq ózeninde balyq aýlaý kezinde joǵalyp ketken er adamnyń máıiti tabyldy, dep habarlaıdy Egemen.kz.
Oblystyq tótenshe jaǵdaılar departamentiniń málimetinshe, qaıǵyly oqıǵa 8 maýsym kúni keshki ýaqytta Inder aýdanyna qarasty Bódene aýyly mańynda bolǵan. 1993 jyly týǵan azamat balyq aýlap júrgen kezde sýǵa batyp ketken.
Qutqarýshylar eki kún boıy izdestirý jumystaryn júrgizdi. Nátıjesinde 10 maýsym kúni marqumnyń denesi oqıǵa ornynan shamamen 100 metr qashyqtyqtan tabylyp, sýdan shyǵaryldy.
Izdeý jumystaryna tótenshe jaǵdaılar departamentiniń 17 qyzmetkeri, tórt tehnıka jáne úsh júzý quraly jumyldyryldy. Sonymen qatar polısııa qyzmetkerleri men jergilikti turǵyndar da kómek kórsetti.
Osy oqıǵaǵa baılanysty qutqarýshylar turǵyndardy sý aıdyndarynda qaýipsizdik talaptaryn qatań saqtaýǵa shaqyrdy.
Shomylý maýsymy bastaldy: Sý aıdyndaryndaǵy qaýipsizdik deńgeıi qandaı?
Eske sala keteıik, buǵan deıin Batys Qazaqstan oblysynda ózenge batyp ketken úsh mektep túlegi týraly habarlanǵan bolatyn.
Túrkistan oblysynda da eki aǵaıyndy bala sýǵa batyp ketti.