Halyqaralyq fýtbol federasııasy FIFA 2026 bıylǵy Álem chempıonatyn uıymdastyrý arqyly 6 mlrd dollardan astam tabys tappaq, dep habarlaıdy Egemen.kz.
Finance Football analıtıkalyq kompanııasynyń málimetinshe, týrnırdiń negizgi tabys kózi teletranslıasııalar quqyǵyn satýdan túspek. Osy arqyly uıym shamamen 3,8 mlrd dollar tabys tabady dep boljanyp otyr. Sonymen qatar jarnamalyq kelisimder men demeýshilik seriktestikter arqyly taǵy 2,4 mlrd dollar kóleminde kiris túsedi.
FIFA-nyń eń iri seriktesteriniń biri – Saýd Arabııasynyń Saudi Aramco munaı kompanııasy. Kompanııa uıymǵa jyl saıyn shamamen 100 mln dollar tóleıdi. Sondaı-aq eń tabysty demeýshiler qatarynda Adidas, Coca-Cola, Visa jáne Hyundai/Kia kompanııalary bar. Árqaısysy FIFA-ǵa jylyna 80-120 mln dollar aralyǵynda tabys alyp keledi.
Ár quramaǵa kemi 5,9 mlrd teńgeden: FIFA Álem chempıonatynyń júlde qoryn rekordtyq deńgeıge kóterdi
Aıta keteıik, búgin Álem chempıonatynyń alǵashqy ashylý rásimi Mehıko qalasyndaǵy «Asteka» stadıonynda ótedi. Jalpy mýndıaldiń ashylý saltanatyn úsh elde ótkizý josparlanǵan. Erteń 12 maýsymda ashylý saltanaty Kanadanyń Toronto qalasyndaǵy BMO Field stadıonynda ótse, 13 maýsymda úshinshi ashylý saltanaty uıymdastyrylady.
Eske sala keteıik, buǵan deıin birqatar eldiń fýtbolshylary, tóreshileri men delegasııa músheleri AQSh aýmaǵyna kirý kezinde túrli kedergilerge tap bolǵan edi. Máselen Afrıkanyń úzdik tóreshileriniń biri sanalatyn somalılik Omar Artan dıplomatııalyq tólqujaty bola tura AQSh-qa kire almaǵan. Sondaı-aq Iran quramasynyń 15 qyzmetkerine amerıkalyq vıza berilmegen. Sonyń saldarynan komanda daıyndyq bazasyn Meksıkada ornalastyrýǵa májbúr boldy.