О́tken jyly oblysta kóktemgi sý tasqyny 97 eldi mekendi álekke túsirgen eken. Sonyń ishinde 40 eldi meken qar sýynan zardap shekken eken, qalǵany sý qoımalarynyń tasýynan ábigerlikti bastan keshti.
Bıyl mamandardyń aıtýynsha qar byltyrǵyǵa qaraǵanda eki-úsh esedeı kem. «Qazgıdromet» oblystyq fılıalynyń dırektory Larısa Kýzmınanyń málimetinshe, oblysta qystaı jaýǵan qardaǵy sý qory byltyrǵynyń 40 paıyzyn ǵana quraıdy eken. Al sý qoımalaryndaǵy sý onyń 68 paıyzyn toltyryp tur, 449 mln tekshe metr sý sııatyn oryn bar.
Bıyl qar byltyrǵyǵa qaraǵanda 2 esedeı az jaýǵan. Qardyń qalyńdyǵy eń kóp jaýǵan aýdandarda 22 sm-ge jetedi. Al ótken jyly 32 sm-den asyp ketken edi. Alaıda, sý tasqyny ylǵı qardyń kóptiginen bola bermeıdi. Sý ótkizgishterdiń bitelip, qaralmaǵanynan keptelgen sý oıdaǵy aýyldardy tabatyn. Oblystaǵy Tótenshe jaǵdaı jónindegi departament bastyǵy Talǵat Kákimov dambalar men bógetterdiń jaǵdaıy qaraýdy qajetsinetinin, óńirdegi 103 gıdrotehnıkalyq qurylystyń 24-niń jaǵdaıy nasharlyǵyn málimdedi. Olardyń jóndelgeni týraly arnaıy komıssııa naýryz aıynda tekseretin bolady.
Názıra Járimbet
«Egemen Qazaqstan»
Qostanaı