«Áleýmettik medısınalyq saqtandyrý» jobasynyń resmı iske qosylý sharasy ótti

Sharada Densaýlyq saqtaý mınıstri Eljan Birtanov pen Dúnıejúzilik banktiń Qa­zaq­stan­daǵy turaqty ókili Ato Braýn sóz sóıledi.

E.Birtanov óz sózinde atap ót­ken­deı, densaýlyq saqtaýdyń qyz­met kórsetý júıesindegi tıim­dili­gin arttyrýǵa baǵyttalǵan atal­mysh joba Qazaqstannyń den­saýlyq saqtaý salasynda jasa­lyp jatqan júıeli jáne ıns­­tı­týt­tyq ózgeristerdiń jal­ǵa­sy.

Densaýlyq saqtaý mı­nıs­tri jańa jobadaǵy basym min­det­terdiń qatarynda MÁMS-pen (mindetti áleýmettik medı­sı­nalyq saqtandyrý) qatar Biryń­ǵaı densaýlyq saqtaý ınfra­qurylymy josparyn júzege asyrýdy, qoǵamdyq densaýlyq saqtaý qyzmetiniń qalyptasýyna kómektesýdi, medısınalyq-sanıtarlyq alǵashqy kómekti kúsheıtýdi, jedel medısınalyq járdem, medısınalyq bilim be­rýdi, densaýlyq saqtaý salasyn sıfrlandyrýdy jetildirý bar ekenin atap ótti.

«Densaýlyqty áleýmettik saq­tandyrý jobasy Qazaqstan Úki­metine medısınalyq qyzmet­terdiń qoljetimdiligin, sapasy men  tıimdiligin arttyrýǵa jáne densaýlyǵy nashar adamdar úshin qarjylyq táýekelderin azaıtýǵa qoldaý kórsetýge baǵyttalǵan», dedi Ato Braýn. Ol óz sózinde atap ótkendeı, mundaı iri reformalar basqa sektorlardyń qatysýynsyz sátti júzege as­paıdy, sondyqtan basqa da mı­nıs­tr­l­ikter men azamattardyń qol­daýy qajet.

Osylaısha, áleýmettik medı­sınalyq saqtandyrýdyń ult­tyq júıesin nyǵaıtý boıynsha birinshi komponent aıasynda Medısınalyq saqtandyrý qo­ry­na kiristi boljaý men táýe­kel­di basqarýda, tarıf saıa­sa­tyn jetildirýde, TMKKM (te­gin medısınalyq kómektiń ke­pil­dik berilgen kólemi) jáne medısınalyq kómektiń saq­tan­dyrý paketiniń mólsherin, aq­parattyq júıelerdi biriktirý jáne kórsetilgen medısınalyq qyzmetterdiń sapasy men kólemin baqylaý tetikterin engizýde qoldaý kórsetý josparlanýda.

Ekinshi komponent qoǵam­dyq densaýlyq saqtaý qyz­me­tiniń (QDQ) qalyptasýyna kómek­te­sýdi, qoldanystaǵy emha­na­lar negizinde 16 aldyńǵy qatar­ly ortalyq qurý men jab­dyq­­taýdy jáne medısı­nalyq al­ǵash­qy kómek mamandaryn halyq­aralyq talaptarǵa sáı­kes oqy­týdy kózdeıdi. Son­daı-aq joba qorynyń esebi­nen sta­sıonarlyq jáne ambý­la­tor­lyq-em­hanalyq qyzmet­ti res­trýk­týrızasııalaý, medı­sı­na­lyq uıym­dardy (stasıo­nar­lar­dyń qa­byldaý bólimderi, em­hanalar) klınıkalyq hat­ta­malar­dyń usynystaryna saı medı­sınalyq qurylǵylarmen jáne medısınalyq maqsattaǵy buıymdarmen qaıta jabdyqtaý josparlanýda. 

Joba mindetteriniń biri – Qa­zaq­stan­nyń barlyq óńir­leri­ne Syr­qatty basqarý baǵdar­la­ma­syn (SBB) engizý, sonymen qatar SBB emdelýshilerin qa­da­ǵalaý boıynsha 200 emhanany me­dısınalyq jáne zerthanalyq qurylǵylarmen jabdyqtaý bolmaq.

Shetel medısınalyq jo­ǵary oqý oryndary jáne kol­ledj­­derimen strategııalyq áriptes­tik­tiń esebinen salanyń kadr­lyq áleýetin kúsheıtý má­se­lesin sheshý josparlanýda. Munda eń negizgi jańalyq – ýnıversıtettik em­hananyń jańa úlgisi men bar­lyq deńgeıli bilim berý baǵdar­lamasyn qalyptastyrý, dálirek aıtqanda, meıirger isi mamandaryn daıyndaý boıynsha jáne bakalavr men magıstratýranyń qos dıplomdy qazaq-fın úlgisin engizý.  

Sonymen qatar medı­sı­nalyq sala mamandaryn biryń­ǵaı esepke alý maqsatynda ma­mandarǵa degen qajettilikti anyq­tap qana qoı­maı, uzaq mer­z­imdi keleshegin bol­jaý úshin densaýlyq saqtaý qyz­met­ker­leriniń kásibı tirke­limin jasaý josparlanýda.  

Osylaısha, jobany júzege asy­rý nátıjesinde úı sharýa­shy­­lyqtarynyń medısınalyq qyz­met úshin jeke tólemderiniń úlesin azaıtý, medısınalyq kó­mek paketiniń naqty quramyn anyq­taý, alǵashqy bólim ósimi bo­ıynsha stasıonarly qyzmettiń shek­ten tys qoldanysyn qysqar­tý, halyqty aldyn alý sharala­ry men syrqattyń bastapqy bel­gilerin anyqtaýǵa tartý nátı­je­leri kútilýde.

Qymbat TOQTAMURAT, «Egemen Qazaqstan»