Ortalyq kommýnıkasııalar qyzmetinde Qazaqstan ekonomıkasynyń damýyna qosymsha dem beretin, elimizde blokcheın tehnologııasy men krıptoındýstrııaǵa qolaıly orta qalyptastyryp, onyń qarqyndy damýyna jaǵdaı jasaıtyn jańa jobanyń iske qosylýy jaıly aıtyldy. Joba sıfrly tehnologııa salasyndaǵy jańalyq bolyp tabylady jáne Qazaqstanda krıpto-qoǵamdastyqtyń ósýine oń yqpal etpek.
Sharaǵa qatysqan «Digital Network» STKA prezıdenti Oljas Mýrtazın blokcheın tehnologııasy kásiporyn shyǵynyn 50-den 80 paıyzǵa deıin únemdeýge múmkindik beretinin atap ótti.
«Digital Network» qaýymdastyǵy jetekshi uıymdardy biriktire otyryp kúndelikti ómirge sıfrly tehnologııalardy engizý arqyly oń nátıjege jetýdi kózdeıdi. 2018 jyly biz alǵashqy otandyq krıptobırjanyń, tuńǵysh zańdy krıptoaıyrbastaý ortalyǵynyń ashylýyn josparlap otyrmyz. Sonymen qatar ulttyq kompanııalar tarapynan blokcheın tehnologııasyn engizýde seriktestik kútilýde. Al bilim salasynda «Atameken» UKP-men birlese otyryp, krıptoındýstrııaǵa qatysty kásipkerlerge bilim berýdi kúsheıtpekpiz. Krıptoaıyrbastaý ortalyǵy men bırja máseleleri boıynsha Ulttyq bank tóraǵasy D.Aqyshevpen kezdesý josparlanǵan. Naqty josparlar tizimi bekitilgen. Krıptoındýstrııadaǵy salyq máselesi boıynsha Qarjy mınıstri B.Sultanovpen, bızneste ISO ótkizý máseleleri boıynsha «Atameken» UKP basqarma tóraǵasy T.Qulybaevpen kezdesýler josparlanǵan. Sondaı-aq saladaǵy alaıaqtyq qurylymdardy, «pıramıdalardy» anyqtaýǵa úles kosyp, memlekettik organdarmen birlese otyryp zańnamalyq bazany daıyndaýǵa atsalysý qarastyrylǵan», dedi ol.
Sonymen qatar Qazaqstan ekonomıkasynda jańa qyzmetterdiń paıda bolýy álemdik qaýymdastyq úshin de jetistik bolatynyn baıandap, búgingi tańda blokcheın tehnologııasyn jasaýdaǵy úzdik germanııalyq kompanııasynyń strategııalyq seriktesi Blockchain Consulting Group birlesip jumys istep jatqanyn jetkizdi.
«Qazirgi tańda bul kompanııalar ulttyq kompanııalarǵa, Investısııalar jáne damý mınıstrligine, «Samuryq – Qazyna» AQ, «Baıterek», «SberBank», taǵy sol sııaqty iri mekemelerge sıfrly, óndiristik, qarjylyq prosesterge blokcheın tehnologııasyn engizý boıynsha óz qyzmetterin usynyp otyr. О́z kezeginde blokcheın tehnologııasy kásiporyn shyǵynyn 50-den 80 paıyzǵa deıin únemdeýge múmkindik beredi. Al Crowdsale Network adam ómirine sapaly áser ete alatyn, áleýmettik mańyzdy jobalardy únemi qoldap, iske asýyna atsalysyp otyrady», dedi «Digital Network» STKA prezıdenti Oljas Mýrtazın.
Raýan QAIDAR, «Egemen Qazaqstan»