Qazaqtan shyqqan tuńǵysh sport kommentatory Sultanǵalı Qarataıuly 82 jasqa qaraǵan shaǵynda ómirden ótti. Bul týraly Qazaqstan fýtbol federasııasy habarlady.
Sultanǵalı Qarataev 1936 jyly 23 maýsymda Aqtóbe oblysynda dúnıege kelgen. 1970-80 jyldary Qazaq radıosynda sholýshy ári dıktor bolyp jumys istedi, sondaı-aq, televıdenıe salasynda da biraz qyzmet etken.
О́tken ǵasyrdyń jetpisinshi jyldary Almatynyń Ortalyq stadıonynan tikeleı efırdi alǵash ret qazaqsha saıratqan Sultanǵalı Qarataıuly edi. Onyń sport reportajdary áli kúnge deıin altyn qorda saqtaýly tur.
Sultanǵalı Qarataevtyń búginde qazaq kommentatorlyǵyna qajetti kóptegen termın sózderdi engizgeni belgili. Máselen, «Aıyp alańy», «Oń qaptal», «Sol qaptal», «Qosalqy quram» t.b. sózder bar. Búginde sol sóz tirkesteri sport jýrnalıstıkasynda jıi qoldanylady.
Sultanǵalı Qarataıulynyń sport jýrnalıstıkasyndaǵy eńbegi eren. Sonymen qatar, birneshe tarıhı-tanymdyq maqalalary men aýdarma eńbekteri de jaryq kórdi.
Sultanǵalı Qarataıulynyń esimi Qazaq fýtbolynyń tarıhynda máńgi qalmaq.