Jaqynda Almatydaǵy Memlekettik ortalyq mýzeıde Qazaqstan Respýblıkasy Prezıdentiniń «Bolashaqqa baǵdar: rýhanı jańǵyrý» baǵdarlamalyq maqalasy aıasynda «Jańǵyrý-2018» atty kórkem týyndylar kórmesi ashyldy.
Mýzeı kúndelikti jumysynda óz kórermenderin elimizdiń óner álemine qosylǵan jańa býyn ókilderimen tanystyrý arqyly talantty jastardyń shyǵarmashylyǵyn qoldap qazirgi kezeńdegi ulttyq óner jetistikterin nasıhattaýǵa úles qosýda. Atalǵan kórme qalyptasýǵa, kásiptik ósýge, biliktilikti qadaǵalaýǵa, kórmeniń qatysýshylarynyń sheberligin, sondaı-aq tutas kórkemdik deńgeıdegi kórinisin, dástúrine, mektepterine jáne shyǵarmashylyǵyna tutas kózqaraspen qaraýǵa múmkindik beredi.
Avtorlardyń týyndylary – olardyń baı, rýhanı áleminiń kórinisi. Sýretshilerdiń shyǵarmalarynda ártúrli tabıǵı landshaftar, etnostyq sıýjetter jáne taǵy basqa týyndylary erekshe kórinis týdyrady. «Jańǵyrý-2018» kórmesine óz týyndylaryn qoıǵan avtorlar árqaısysy jeke-dara, árqaısynyń ózindik qoltańbasy jáne stıli bar.
Myń bir jylǵa ıek artqan saltanatty shahardaǵy ótip jatqan kórme – bul araıly Almatydaǵy eń úzdik jas sýretshi-pedagogtardyń ózgeshe shyǵarmashylyq jetistikteriniń esebi derlik. Olar myń qubylǵan kóńil kóginiń asqaqtyǵy arqyly ózderiniń kásibı jetistikterimen bóliskeni dep bilemiz. Elimizdiń jarqyn bolashaǵyn zerli boıaýlardyń tanytar araıly shapaǵy dersiz.
Saparbaı PARMANQUL,
«Egemen Qazaqstan»
ALMATY