Atmosferalyq frontaldy bólikterdiń ótýine baılanysty 3 naýryz kúni batysta, ońtústikte, ońtústik-batysta jáne elimizdiń soltústiginde aýa raıy qubylmaly bolady. Keı jerlerge qar jaýyp, birqatar aımaqtarda tuman túsip, kóktaıǵaq bolyp, jel kúsheıedi. Eldiń soltústiginde boran soǵady, dep habarlaıdy Qazgıdromet.
Atap aıtqanda, Jambyl, Qyzylorda oblystarynyń birqatar aımaqtarynda tuman túsip, kóktaıǵaq bolady. Kúndiz jeldiń jyldamdyǵy sekýndyna 15-20 metrge deıin jetedi.
Almaty, Mańǵystaý oblystarynda tuman túsip, kóktaıǵaq bolady degen boljam bar.
Ońtústik Qazaqstan, Batys Qazaqstan, Qostanaı, Pavlodar, Qaraǵandy, túnde Atyraý, Shyǵys Qazaqstan oblystarynda tuman túsýi yqtımal.
Soltústik Qazaqstan oblysynyń keı jerlerine tuman túsip, jeldiń jyldamdyǵy sekýndyna 15-20 metrge jetip, boran soǵýy múmkin.