Prezıdent Nursultan Nazarbaev Parlament palatalarynyń birlesken otyrysynda qazaqstandyqtardyń áleýmettik jaǵdaıyn jaqsartýǵa arnalǵan bes áleýmettik bastamany tapsyrdy.
Sonyń ishinde Prezıdent ekinshi bastamasynda tómen jalaqy alatyndarǵa salyqtyq júktemeni jeńildetýdi tapsyrdy.
«Salystyrmaly túrde tómen jalaqy alatyn qazaqstandyqtardy qoldaý úshin 2019 jyldyń birinshi qańtarynan bastap, olardyń salyq júktemesin 10 esege azaıtyp, 1 paıyz ǵana salyq júıesin alýdy usynamyn» dep málimdedi Elbasy.
«Aı saıyn eń tómengi eseptik kórsetkishtiń 25 eselengen kóleminen az jalaqy alatyndarǵa salynatyn jeke tabys salyǵyn azaıtý arqyly olardyń salyq júktemesin jeńildetý kerek. Al osylaısha salyqty azaıtýdan shyǵatyn qarjy olardyń jalaqysyn kóbeıtýge jumsalýy qajet. Nátıjesinde, elimizdegi barsha jaldamaly jumyskerlerdiń keminde úshten biriniń, bul 2 mıllıonnan astam adam, jalaqysy jumys berýshige salmaq salmaı-aq kóbeıetin bolady.Ári qaraı Úkimet tabys salyǵynyń progressıvti shkalasyn engizý múmkindigin zerdeleýi kerek», dedi Prezıdent.
Eske sala keteıik, Qazaqstandaǵy 1 aılyq esep kórsetkish 2405 teńgeni quraıdy.