Ár adam úshin ómiriniń mánin aıqyndaıtyn bazalyq nárseler bar ekeni sózsiz. Munyń qataryna menshikti baspana, balalardyń bilimi, sondaı-aq materıaldyq táýelsizdik jatady.
Prezıdenttiń búgingi Úndeýi dál osy atalǵan mindetterdi sheshýge baǵyttalǵan. Máselen halyqtyń qalyń toptary úshin ıpotekanyń qoljetimdiligin arttyrý úshin Memleket basshysy «7 – 20 – 25» biregeı baǵdarlamasyn usynyp otyr, bul qazaqstandyqtardy turǵyn úımen qamtamasyz etip qana qoımaı, sondaı-aq mýltıplıkatıvtik áser arqyly ekonomıkanyń damýyna jańa serpin beretin bolady.
Qazirgi ýaqytta Tórtinshi ónerkásiptik revolıýsııa jaǵdaıynda júrgizilip jatqan is-sharalardy bilikti kadrlarsyz iske asyrý múmkin bolmaıdy. Osyny eskere otyryp, Memleket basshysy bilim berýdiń qoljetimdiligi men sapasyna aıryqsha nazar aýdarýdy usynyp otyr. Bólingen memlekettik granttarǵa qosymsha bólinetin 20 myń grant eldiń ekonomıkasyn jańǵyrtý mindetterin sheshý úshin joǵary sanatty tehnıkalyq mamandardyń kelýin qamtamasyz etýge tıis.
Azamattarymyzdyń materıaldyq ál-aýqaty jóninde aıtqan kezde Elbasy jumyskerlerdiń jalaqysy tómen sanattary úshin salyq salýdy qaıta qaraý qajettiligin erekshe atap kórsetti, bul jumys berýshilerge túsetin júktemeni ulǵaıtpaı, olardyń eńbegine tólenetin aqyny arttyrýǵa múmkindik beredi. Sonymen birge, mıkrokredıt berýdi keńeıtý, ásirese, halyqtyń basym bóligin ózin ózi jumyspen qamtyǵan adamdar quraıtyn aýyldyq jerde shaǵyn jáne orta bıznestiń damýyna serpin beredi.
Saparhan OMAROV,
Májilis depýtaty, Agrarlyq máseleler komıtetiniń tóraǵasy