Taza qan – densaýlyq kepili

Búkil respýblıkany dúr­lik­tirgen oqıǵa kezinde El­ba­sy pármenimen Qan já­ne medısınalyq qural-jab­dyq­tar­­dy zalalsyzdandyratyn or­talyq salynatyn bolyp sheshim qabyldandy. 2008 jyly eki ortalyq ta el ıgiligine berildi. Qudaı qarasyp, odan keıin jaman indettiń aty shyqqan joq.

Jaqynda qan ortalyǵyna arnaıy baryp, jaǵdaıymen tanystyq.

Ortalyqta jylyna 35000 doza qan komponent daıyndalady. Bekitilgen kestedegi no­menklatýraǵa sáıkes 2017 jyl­dan bastap 15 túrli qan kom­po­nentteri shyǵarylady eken. Qan ortalyǵynyń dırektory qazirgi jaǵdaıdy baıandady.

Ońtústik Qazaqstan oblysynda transfýzıologııalyq kómek kórsetetin 43 medısı­na­lyq mekeme bar, onyń 40-y memlekettik, al 3-i jeke men­shik­tegi medısınalyq mekemeler. Oblystyq qan ortalyǵy atal­mysh medısınalyq mekeme­ler­diń suranystaryn úzdiksiz, táý­lik boıy qan jáne onyń komponentterimen, preparattarymen, dıagnostıkýmdarymen qamtamasyz etedi.

Qan ortalyǵynda donorlar men kelýshiler úshin óte jaıly jaǵdaı jasalǵan. Qan daıyndaý tehnologııalyq úderisine baǵ­dar­lamalyq júıe engizilgen. 

Árbir donorǵa jeke shtrıh-kod berilip, beıneıden­tı­fıkasııa júrgiziledi. Qan kom­ponentterin daıyn­daý pro­se­si barynsha avto­mat­tan­dy­ryl­ǵan.

Medısınalyq mekemeler 100 paıyz karantındelgen, vırýsınaktıvasııa, leıkofıltrasııa úderisinen ótken qan kom­ponentterimen qamtamasyz eti­ledi. Infeksııalarǵa donor qanyn tekserý eki deń­geı­de soń­ǵy úlgidegi avto­mat­­tan­dy­rylǵan zamanaýı ana­lızatorlar­da júrgiziledi.

Oblystyq qan ortalyǵy ISO 9001-2015 halyqaralyq sapa standarty sertıfıkatyn alǵan, 2017 jyly ulttyq akkredıtteýden ótken. Zamanaýı talaptarǵa saı qan ortalyǵy gemokomponentti terapııaǵa qa­jet­ti qan komponentteri jáne pre­parattarymen jetkilikti jáne sapaly túrde qamtamasyz etýde, deıdi oblystyq qan orta­ly­ǵynyń dırektory Súndet Rahymberdıev.

Baqtııar TAIJAN,

«Egemen Qazaqstan»

Ońtústik Qazaqstan oblysy