Astana qalasynyń ákimi Áset Isekeshev halyqaralyq áıelder kúnimen quttyqtady. Bul týraly qalalyq ákimdiktiń baspasóz qyzmeti habarlady.
Ardaqty analar! Aıaýly apa-qaryndastar!
Sizderdi 8 naýryz – Áıelderdiń halyqaralyq merekesimen shyn júrekten quttyqtaımyn!
Kóktem gúlimen, otbasy ana nurymen kórkem. Aq peıilimen ajarlanyp, kóńil kórkimen kóriktengen asyl analarymyzdyń merekesin el-jurt erekshe qýanyshpen qarsy alady. О́ıtkeni áıel qýanyshy – ár úıdiń, otbasynyń, tipti ortaq Otanymyzdyń mereıi.
Áıel-Ana barlyq qıyndyqty jeńetin sarqylmaıtyn kúsh, tirliktiń qaınar bulaǵy. Búginde qazaq qyzdary qoǵamnyń barlyq salasyna da erkin aralasyp, tamasha tabystarǵa qol jetkizip keledi. Bul biz úshin, erler qaýymy úshin úlken maqtanysh, bıik mártebe. О́zderińizdeı ómirde – názik, kóńilde – bıik, al iste – myǵym analarymyz aman bolsyn!
Rahmet sizderge, Astana qalasynyń áıelder qaýymy júrekterińiz árdaıym jylýlyqqa, boılaryńyz sulýlyqqa toly bolsyn. Sizderge, zor densaýlyq, aıaýly ana baqytyn tileımin!