О́skemende dúısenbi kúni birinshi aýysymdaǵy 1-11 synyp oqýshylary men 1-2 kýrs stýdentteri úshin sabaq bolmaıdy. Bul týraly qalalyq bilim berý bólimi málimdedi.
Qarǵyn sý О́skemen jurtyn qarbalastyqqa saldy. Qala ákimdigi turǵyndardy jeke kóliginen qozǵamaı, qoǵamdyq kólikterdi paıdalanýǵa shaqyrýda. Jeke kólikterdiń kóptigi kommýnaldyq qyzmet jumystaryna kedergi keltirýde. Al qalanyń shektkeri aýdandarynda turatyndarǵa balalaryn qaraýsyz qaldyrmaý kerektigi eskertildi.
Qarǵyn sýmen kúres О́skemen qalasynan bólek Aıagóz, Ulan jáne Kúrshim aýdandarynda da qyzý júrip jatyr. Tolassyz jańbyr taý shatqalymen ótetin joldarǵa kóshkin qaýpin tóndirýde. Osyǵan baılanysty О́skemen-Zyrıan baǵytyndaǵy jol jabylǵan bolatyn. О́skemen qalasynyń ákimdigi osynyń saldarynan qosymsha poıyz reısin shyǵarmaqshy. «Avtokólik joly jabylýyna baılanysty 11 naýryz kúni Zashıta-Zyrıan baǵytynda №641 poıyz qosymsha reıspen jolǵa shyǵady» - delingen qala ákimdigi Feısbýktegi paraqshasyndaǵy taratqan aqparatta.