Eńbekaqysy tómen qyzmetkerler úshin jeke tabys salyǵyn azaıtý Elbasynyń Parlament palatalarynyń birlesken otyrysynda jarııalaǵan mańyzdy bastamalarynyń biri.
Birinshiden, bul is-shara eńbekaqysy 25 aılyq eseptik kórsetkishten az 2 mıllıon qazaqstandyqtyń ómir súrý sapasyn arttyrýǵa kómektesedi. Iаǵnı salyqtyq júktemeniń azaıýy esebinen 60 myń teńge jalaqy alatyn jumysshy endigi ýaqytta 5400 teńge kóleminde qosymsha qarajat alatyn bolady. Tómen jalaqyny negizinen aýyl sharýashylyǵy, bilim berý jáne densaýlyq saqtaý salasynyń qyzmetkerleri alatyn bolǵandyqtan, bul bastama aýyl halqynyń ómir súrý deńgeıin qoldaýǵa baǵyttalǵan dese de bolady.
Ekinshiden, jumys berýshilerge degen salyqtyq júkteme burynǵy deńgeıinde qalady. Nátıjesinde, atalǵan is-shara beıresmı jumys istep júrgen azamattardyń sanyn, jalaqyny «konvertpen» berý faktilerin azaıtýǵa yqpal etedi. Bul qatarǵa shaǵyn kásiporyndarda eńbek qatynastaryn rásimdemeı jumys isteıtin azamattar kiredi, ıaǵnı olar úshin osy ýaqytqa deıin jumys berýshiler eshqandaı salyq tólemegen.
Úshinshiden, eńbekaqynyń ósýi tutynýshylyq shyǵyndardyń kóbeıýine alyp keledi, bul óz kezeginde jergilikti ekonomıkany yntalandyrady.
Aıjan MUHYShBAEVA,
Álemdik ekonomıka jáne saıasat ınstıtýtynyń sarapshysy