Táýelsizdiktiń alǵashqy kúnderinen-aq Elbasy Nursultan Nazarbaev anyqtap bergen basymdyqtar ınstıtýttyq jáne ulttyq baǵdarlamalardyń oryndalýyna zor yqpal etti.
Qazaqstan halqy Assambleıasy qurylǵaly beri Prezıdenttiń barsha bastamalaryn qoldap keledi. Memleket basshysynyń arqasynda biz dostyq pen qoǵamdyq kelisimniń ıdeıasyn júzege asyratyn osyndaı biregeı ınstıtýt qurýǵa múmkindik aldyq. Taıaýda Alǵys aıtý kúni men QHA-nyń qurylǵan kúnin atap óttik. Osy sátti paıdalana otyryp, Elbasy N.Nazarbaevqa Assambleıany qurǵany úshin zor alǵys bildiremin. Qazaqstannyń kıeli topyraǵynda júzden asa etnostyń ókilderin jyly qabyldap, qushaq jaıa qarsy alǵan qazaq halqyna da alǵysym sheksiz. Búginde Qazaqstan sol etnostardyń Otanyna aınaldy. Zamanaýı Qazaqstannyń qalyptasqany úshin rahmet aıtamyn.
Parlamenttiń birlesken otyrysynda Elbasynyń jańa áleýmettik mindetter jóninde aıtqanynyń mańyzy zor. Turǵyn úı alýǵa beriletin jańa múmkindik, tómen jalaqy alatyndarǵa salynatyn salyq kólemin azaıtý, joǵary bilim sapasy men qoljetimdigin arttyrý, shaǵyn nesıeleýdi ulǵaıtý jáne eldi gazdandyrý jónindegi Memleket basshysynyń tapsyrmalary eń aldymen qarapaıym halyq úshin jasalǵan qoldaý boldy.
Shaǵyn jáne orta kásip ókili retinde shaǵyn nesıeleýdi ulǵaıtý jónindegi bastamaǵa toqtalǵym kelip otyr. Bul kásipkerlik salasyndaǵy qyzmetti ulǵaıtýǵa múmkindik beredi. Bıyl qosymsha 20 mıllıard teńge bólinip, shaǵyn nesıeleýdiń jalpy sany 62 mıllıard teńgege jetetini qatty qýantty.
N.Nazarbaevtyń Úndeýinde aıtylǵan jańa áleýmettik bastamalar jóninde bizdiń qoǵamnyń áleýmettik birligin, árbir qazaqstandyqtyń jaǵdaıyn jaqsarta berýge baǵyttalǵanyna senimdimin. Osynyń barlyǵy iske asýy úshin eń aldymen halyqtyń aýyzbirshiligi, judyryqtaı jumylýy qajet. Búginge deıin Qazaqstan jetken tabystardyń barlyǵy yntymaqtyń arqasynda júzege asyp jatqanyn biz jaqsy túsinemiz. Sondyqtan bul joly da eldi jaqsy bastamalarǵa jumyldyrýǵa barynsha úles qosýǵa tyrysamyz.
Vladımır ShIHOTOV,
Jetisý kazaktary
odaǵynyń ókili