Qurmanǵazyny el bolyp qurmetteý paryz

Alaıda ulttyq muramyz­dyń jan­danýyna teńdessiz úles qos­qan uly kúıshi-kom­po­zıtorǵa ar­nalǵan is-sharanyń ulan-baı­taq elimizdiń bir ǵana ba­tys óńi­rimen shektelýi esh qı­syn­­ǵ­a kel­meıdi. Basqa óńirler Qur­man­ǵazyǵa jat pa edi?

Kúı ultymyzdyń úni men sózi bolǵan, halqymyz dú­nıe­ge ákel­gen kór­kem qun­dy­­­lyq­tardyń shy­ńy. Al Qur­manǵazy ult má­de­nıetiniń asyl qazynasyna ól­sheý­siz úles qosqan, álemdik deń­geı­­ge shyǵar­ǵan óner ıesi. Hal­qy­­­myz úshin kúı men Qur­manǵazy esimi bir-biri­men as­tasyp ketken uǵym. Qur­man­ǵazy bir oblystyń ne­mese bir aımaqtyń perzenti emes. Ol ultymyzǵa, elimizge or­taq, adamzat mádenıetiniń ta­rı­hyn­­da óshpes iz qaldyrǵan tulǵa.

Qurmanǵazy Saǵyrbaıuly­nyń 200 jyldyǵyn atap ótý kúı­­shini ulyqtaý ǵana emes eń aldy­men halqymyzdyń tól óneri – kúı­di el ishi men shet memleket­terde keńinen nasıhattaý maqsatyn kózdeýi kerek. Elbasy óziniń maqa­la­synda: «Halqymyzdyń tarıhı, ómirsheń tárbıe berer­lik mýzykalyq mura­la­ryn aıt­qanda dańqty babamyz Qur­manǵazyǵa soqpaı óte almaımyz. Qurmanǵazy kúılerin óz elimizde ǵana emes, shetelder arasynda da nasıhattamaı álemdik órkenıettiń kóshine ilesý qıyn», – degen edi.

Sondyqtan Qurmanǵazy Saǵyr­baıulynyń 200 jyl­dyǵyn mem­lekettiń máde­nıet sa­la­syndaǵy áleý­met­tik ma­ńyzy bar is-sharasy már­te­besinde ót­kizý qa­jet. Buǵan res­­pýb­lı­­kanyń barlyq aı­maq­ta­ry, mádenıet pen ishki saıa­sat já­ne aqparat salasyndaǵy, bas­qa da mem­le­ket­tik organdar jumyl­dy­rylýy ke­rek.

«Bolashaqqa baǵdar: rýhanı jańǵyrý» maqalasynda Elba­sy Qurmanǵazynyń kúıleri ǵasyr­lar qoınaýynan jetken babalar úni ekenin atap kór­set­ken. Sondyqtan kúıshini mem­lekettiń bir aımaǵynda ǵana eske alý qoǵamda keńinen tal­qy­lanyp, synǵa alynyp júrgen jer­shildikti qolmen jasaǵan­daı áser qaldyrary da sózsiz.

Osy aıtylǵandarǵa baıla­nys­­ty biz Úkimet basshysy Ba­qyt­­jan Saǵyntaevtyń atyna de­pýtattyq saýal joldap, tó­men­degi sharalardy ótkizýdi usyn­­dyq:

- Qurmanǵazy Saǵyrbaıuly­nyń 200 jyldyǵyn respýb­lı­ka­nyń barlyq aımaqtarynda atap ótý­diń keshendi is-sharalar jos­paryn daıyndaý;

- Shetelderde, onyń ishin­de Táý­elsiz Memleketter Dostas­ty­ǵy elderinde keńinen nasıhattaý ju­mys­taryn júrgizý;

- Qurmanǵazy atyndaǵy Qazaq mem­lekettik akademııa­lyq halyq aspaptary orkestri­niń gastroldik saparlaryn uıym­­dastyrý. Onyń ishinde kúı­­shi jerlengen Reseı Fede­ra­sııasynyń Astrahan oblysynda arnaıy konsertter ótkizý;

- Qazaqstan Respýblıkasy múshe bolyp tabylatyn halyq­ara­lyq uıymdar men parla­me­nt- aralyq baılanys alańdaryn paı­dalaný arqyly qazaq kúı óne­ri men kúıshi ómirin nasıhattaý;

- halyqaralyq, respýb­lı­ka­lyq deńgeıdegi baıqaýlar ót­kizý;

- kúıshiniń ómiri men shy­ǵar­ma­shylyǵyna arnalǵan ǵy­lymı-prak­tıkalyq konfe­ren­sııa­lar já­ne basqa da tanymdyq is-sha­ra­lar uıymdastyrý;

- respýblıkalyq bıýdjetti naqtylaý kezinde osy sharaǵa qajetti qarjy kózin qarastyrý;

Kúı atasyn el bolyp qur­met­­teý basty paryzymyz ekenin umyt­paǵan jón.

Sársenbaı EŃSEGENOV,

Senat depýtaty