Astana qalasynda belsendi túrde sý tasqynyna qarsy is-shara júrgizilip jatyr. Búgin qala ákimdiginde tótenshe jaǵdaılardyń aldyn alýǵa baılanysty brıfıng ótti, dep habarlaıdy Astana qalasy ákimdiginiń resmı saıty.
Búgingi brıfıngke qatysqan Astana qalasy TJD-niń tótenshe jaǵdaılardy aldyn alý bóliminiń basshysy Erkin Otarǵalymuly ata-analardy kóktemgi kanıkýl kezinde balalardyń Esil ózinde oınamaýyn qadaǵalaýdy eskertti. О́zen muzy juqarǵan. Balalar týyndaǵan qaýipti eskerip, bolǵan jaǵdaıda tıisti áreket jasaı almaı qalýy múmkin. Jalpy kóktemde muz ústine shyǵý óte qaýipti.
«Qazirgi kezde ózen muzy bir jerde qalyń, bir jerde juqa. Astyńǵy jaǵynan sý shaıý arqyly muz juqarǵan. Sol sebepti ásirese kóktemgi kanıkýl kezinde balalardyń muz ústine shyqpaýyn qadaǵalaǵan jón. Oıyn balasyna abaı bolyńyzdar», - dedi Erkin Otarǵalymuly.