Ata Zańymyzdyń 1-shi babynda Qazaqstan Respýblıkasy ózin demokratııaly, zaıyrly, quqyqtyq jáne áleýmettik memleket retinde ornyqtyrady delingen. Al Elbasymyzdyń «Prezıdenttiń bes áleýmettik bastamasy» atty Úndeýi sol qaǵıdanyń dáleli.
Baıandy bolashaqqa tyń serpin beretin bul ıgi bastamalar memlekettik baǵdarlamalardyń jarqyn jalǵasy dep qabyldaımyz. Jarııalanǵan «Bes áleýmettik bastamanyń» árqaısysy halqymyz úshin úlken berekeniń bastaýy. Árbir otbasynyń baspanaly bolýyna barlyq múmkindikti jasaýǵa mán berilgen birinshi bastamasynda, endigi kezekte úı alý úshin nesıe ósiminiń mólsherlemesi qazirgideı 14-16 paıyz emes, «7 – 20 – 25» baǵdarlamasy boıynsha ıpotekalyq nesıeniń jyldyq mólsheri 7 paıyzdyq mejeden aspaıtyn bolady.
Mundaı mańyzdy mindetterdi júzege asyrý úshin Ulttyq banktiń, ekinshi deńgeıli bankter men qor naryǵynyń múmkindikterin iske qosý kerektigin Elbasy túsinikti bolatyndaı etip baǵamdap berdi. Al eńbekaqysy tómen qazaqstandyqtarǵa edáýir qoldaý kórsetý jaǵy ekinshi basymdyqta aıtyldy. Bul da – jaǵymdy jańalyq. 2019 jyldan bastap azamattar jalaqysynyń salyq júktemesi 10 ese azaıtylatyn bolýy qýantarlyq. Bilim alýǵa qoljetimdilikti arttyrý baǵytynda el úshin jaqsy jańalyq úshinshi basymdyqta jarııa etildi. 2018-2019 oqý jylynda stýdentterge arnalǵan granttardyń ózi adam kapıtaly salasyna eleýli serpin beretinine senimdimiz. Eki jyl aralyǵynda qazirgi jyl saıyn bólinetin 54 myń granttyń ústine taǵy 20 myńy qosylǵaly otyr. Onyń 11 myńy jańa ekonomıkaǵa qajetti tehnıkalyq mamandyqtar boıynsha bakalavrlyq bilim berýge tıesili. Al 2022 jyldyń sońyna deıin stýdentterge arnap keminde 75 myń oryndyq jataqhana salý tapsyryldy. Osylaısha jataqhana tapshylyǵy máselesi birjola sheshilmek. Túptep kelgende bul mańyzdy sheshim básekege qabiletti mamandardy daıarlaýǵa jol ashady. Tórtinshi basymdyqta shaǵyn nesıe berýdi kóbeıtýdiń tetikteri de jan-jaqty qarastyryldy.
Memleket basshysy shaǵyn nesıelerdiń jalpy somasyn 62 mıllıard teńgege jetkizýdi júktedi. Nátıjesinde, nesıe alyp, óz isin bastaıtyn azamattardyń sany byltyrǵydan 2 ese artyp, 14 myńǵa jetip, aýyldaǵy kásipkerliktiń kókjıegi keńeıedi. О́ńirlerge gaz tartý máselesi besinshi basymdyqta barynsha qamtyldy. Bul oraıda Qaraózek (Qyzylorda oblysy) – Jezqazǵan – Qaraǵandy – Temirtaý – Astana baǵyty boıynsha magıstraldy gaz qubyryn salý jobasyn júzege asyrý kerektigin tapsyrdy. Bul 2 mıllıon 700 myń adamdy gazben qamtamasyz etýmen qatar, Arqanyń ekologııalyq jaǵdaıyna zor yqpal etetin bolady. Memleket basshysynyń júktegen jańa mindetterin jaýapkershilikpen sezinip, tyndyrymdy jumysqa ulastyraıyq.
Baqytjan AIDOSOVA,
«Nur Otan» partııasy Zerendi aýdandyq fılıaly tóraǵasynyń birinshi orynbasary
Aqmola oblysy