Búgin Qyzylorda oblysyna jumys sapary aıasynda QR Premer-Mınıstri Baqytjan Saǵyntaev Aral aýdanynda «Araltuz» sehtary men Aral qalasyndaǵy balyq óńdeý zaýytynyń mysaldary negizinde balyq jáne azyq-túlik ónerkásibiniń damý qarqynymen tanysty, dep habarlaıdy primeminister.kz.
Aral mańynda balyq ónerkásibi qarqyndy damyp keledi. Qyzylorda oblysynda 22 balyq óńdeý kásiporny bar, onyń ishinde Eýropalyq Odaqqa — 4, Qytaıǵa — 3, Eýrazııalyq ekonomıkalyq odaq elderine — 9-y ónim eksporttaıdy.
Aıta keteıik, QR Qarjy mınıstrliginiń Memlekettik kirister komıtetiniń málimetterine sáıkes ótken jyly balyq jáne balyq ónimderin eksporttaý kólemi $56,5 mln qurady, basqasha aıtqanda, qazaqstandyq balyqtyń ⅔ eksportqa jiberiledi. Sonymen birge, Qyzylorda oblysynyń eksportqa qosqan úlesi $12 mln asty (3500 t).
Baqytjan Saǵyntaev qýattylyǵy jylyna 6 000 tonna bolatyn «Aral balyq óńdeý zaýytynyń» óndirisimen tanysty. Daıyn ónim Reseı, Qytaı, Polsha, Gollandııa, Germanııa, Danııa, Grýzııa, Ázerbaıjan jáne О́zbekstan naryqtaryna eksporttalady.