Byltyrǵy kóktemde Aqtóbede aıta qalarlyqtaı tasqyn qaýpi kútilmegen edi. О́kinishke qaraı osyndaı jaǵdaı oryn aldy. Bul oqys oqıǵadan jergilikti atqarýshy organdar men tótenshe qurylymdar tıisti sabaq alǵany anyq. Sondyqtan da bıylǵy jyly óńirde tasqyn sýdy zardapsyz ótkizýdiń barlyq sharalary belgilendi. Bir jaǵadan bas, bir jeńnen qol shyǵara bilýdiń tıimdi tetikteri izdestirildi. Iаǵnı tas-túıin daıyndyq bar. Alaıda qaýip-qaterdiń qaıdan shyǵa kelerin aldyn ala aıtý ońaıǵa túse qoımaıdy.
Aldyn ala jasalǵan esepterge qaraǵanda, aımaqtaǵy sý qoımalarynyń syıymdylyǵy qar sýyn qabyldaýǵa qaýqarly. Áıtse de naýryz aıynda óńir aýmaǵyna búkil qys kezinde túspegen mol qar jaýǵanyn eskersek, bul derekke senip qalýǵa bolmaıtynyn, sondyqtan qajetti jaǵdaıda shuǵyl taktıkalyq gıdroınjenerlik sheshim qabyldaýǵa týra keletinin eriksiz sezinesiz. Sonyń ishinde aımaqtaǵy Aqtóbe sý qoımasynyń erneýinen sý lyqyldap, syrtqa tógilip ketpesine dál qazirgi kúnderi eshkim kepildik bere almaıdy.
Aqtóbe oblystyq tótenshe jaǵdaıdar departamentiniń basshysy Baýyrjan Syzdyqov osyndaı jaǵdaıdyń oryn alýy múmkin ekenin joqqa shyǵarmaıdy. Bul tyǵyryqtan shyǵýdyń joly sýdyń kóterilýi jónindegi málimetterdi udaıy jańǵyrtyp turý. Sý tasqyny sııaqty tótenshe jaǵdaılar kezinde búgingi málimet erteńge ólshem bola almaıdy.
Bıyl Aqtóbe aımaǵynda dál osyndaı qubylys baıqalady. Naýryzdyń 26-na deıin munda aýa raıy 5-10 gradýs salqyndyqty kórsetip, qar sol kúıi jatty. Al sońǵy eki-úsh kúnde qar kúrt erı bastady. Bul jaǵdaı tasqyn sý qaýpin týǵyzbaı qoımaıdy. Ári aýa raıynyń tez jylynyp, tez qubylýy buǵan deıin jasalǵan birqatar esepter men taldaýlardyń tas-talqanyn shyǵarýy da ábden múmkin. Onyń ústine mamandar bıylǵy qysta paıda bolǵan toń qabaty ótken jylmen salystyrǵanda áldeqaıda qalyń ekenin málimdedi. Bul jaǵdaı óńirde tasqyn sý bolýy yqtımaldyǵynyń basty faktory retinde qarastyrylýda.
Temir Qusaıyn, «Egemen Qazaqstan»
AQTО́BE