Ánshi Dımash Qudaıbergen «Slavıan bazary» baıqaýynyń ádil qazylar alqasynyń quramyna enetin boldy. Bul týraly ol Instagramdaǵy jeke paraqshasynda jazdy.
«Bul baıqaý meniń ómirimde óte mańyzdy ról atqardy. Halyqaralyq birneshe baıqaýda top jaryp, ártúrli konsertterge, Qazaqstan men sheteldegi birqatar TV jobalarǵa qatysqannan keıin, «Slavıan bazarynda» jeńis tuǵyryna kóterildim. Dál sol Belarýste ózimdi tanymal ánshi retinde sezingen edim. Men osy baıqaýdy úlken sahnaǵa jol ashyp, óz elimniń mádenıetin pash etýge múmkindik bergeni úshin qatty jaqsy kóremin. Osy jyly men «Slavıan bazaryna» meıman ári qazylar alqasynyń múshesi retinde baramyn. Barlyq dears-ty menimen birge sol baıqaýǵa baryp qaıtýǵa shaqyramyn. Kóriskenshe, Belarýs! See you in July. See you dears in Belarus», - dep jazdy Instagramdaǵy paraqshasynda ánshi.
Aıta ketsek, Dımash Qudaıbergen 2015 jyly Vıtebskide ótken «Slavıan bazary» halyqaralyq án festıvalinde bas júldeni ıelengen bolatyn.