L.Gýmılev atyndaǵy Eýrazııa ulttyq ýnıversıtetinde Prezıdent Nursultan Nazarbaevtyń «Bes áleýmettik bastamasy» atty Úndeýin, sonymen qatar din salasyndaǵy memlekettik saıasatty talqylaý jáne túsindirý boıynsha stýdent jastarmen kezdesý ótti.
Jıynda Din isteri jáne azamattyq qoǵam vıse-mınıstri B.Aryn, Qazaqstan musylmandary dinı basqarmasynyń tóraǵasy S.Oraz, Pravoslavtyq shirkeýdiń mıtropolıttik okrýgynyń isin basqarýshy, qaskeleńdik epıskop Gennadıı, L.Gýmılev atyndaǵy EUÝ Áleýmettik-mádenı damý jónindegi prorektory Dıhan Qamzabekuly qatysty.
B.Aryn óz sózinde «Bes áleýmettik bastama» tikeleı jastarǵa baǵyttalǵandyǵyna toqtaldy. «Bul qujat Prezıdentimizdiń serpindi usynysy, jas otbasylarǵa turǵyn úı alýǵa, jastardyń jalaqysyn kóterýge, sapaly jáne qoljetimdi bilim berýge, kásipkerlikti damytýǵa múmkindik beredi. Elbasynyń bes áleýmettik bastamalary elimizdiń órkendeýi men halqymyzdyń ál-aýqatyn jaqsartýǵa baǵyttalǵan. Al bunyń barlyǵy turaqtylyq ornaǵan memlekette ǵana júzege aspaq. El damýynyń negizi – memleket turaqtylyǵy. Kez-kelgen eldiń ilkimdi damýynyń basty kepildigi onyń beıbit jaǵdaıda tirshilik etýi ekeni belgili. Iаǵnı, qaýipsizdigin qamtamasyz ete alatyn memleketter ǵana qarqyndy órkendeý jolyna ilige alady» dep atap ótti.
Osy rette, Qazaqstan musylmandary dinı basqarmasynyń tóraǵasy S.Oraz Memleket basshysyna áleýmettik reformalardy júzege asyrýǵa, olardy jas urpaq úshin jasaǵanyna qurmet bildirdi. Bas múftı: «Birde paıǵambarymyz Muhammedten bir kisi: «Ýa, Allanyń Elshisi, eń jaqsy adam kim?» dep suraıdy. Sonda ol: «Eń jaqsy adam – qoǵamǵa, elge paıdasy tıgen pende» dep jaýap bergen. Demek, qazir bizdiń qoǵamǵa óz isiniń maıtalman mamany bola bilgen ımandy, janashyr, dástúrli qundylyqtardy qurmetteıtin parasatty musylmandar qajet. Bilim men kórkem minezdi, ar men uıatty óz boıyna uıalatqan urpaq eldiń kósegesin kógertedi» dedi.
Pravoslavtyq shirkeýdiń mıtropolıttik okrýgynyń isin basqarýshy qaskeleńdik epıskop Gennadıı Prezıdenttiń jarııalaǵan Úndeýi eń aldymen halyqtyń áleýmettik ál-aýqatyn nyǵaıtýǵa jáne bizdiń memleketimizde ómir súrý úshin qolaıly jaǵdaı jasaýǵa, áleýmettik bloktyń mindetterin sheshýge baǵyttalǵanyn atap ótti. «Memleket basshysy qoǵamnyń talaptary men kóńil-kúıine asa kóńil bóletindigin taǵy bir ret kórsetti. Jastar salasy óte sezimtal jáne barlyq jańa nárselerdi qabyldaıdy. Sondyqtan, bul qujat azamattardyń osy sanatyna tolyǵymen baǵyttalǵan jáne olardyń ósýi men turaqtylyǵy úshin qolaıly jaǵdaılar jasalǵan» dedi ol.
Áleýmettik bastamalardy talqylaý barysynda stýdentter tarapynan kóptegen suraqtar qoıylyp, olardyń barlyǵyna qyzyqty da shynaıy jaýaptar berildi. Qoıylǵan suraqtar qatarynda din ókilderniń nesıe alýǵa degen kózqarasy, Qazaqstandaǵy teologııalyq bilim alý jáne basqalar qamtyldy.