Ortalyq kommýnıkasııalar qyzmetinde qazaqstandyq jýrnalısterge arnalǵan baıqaý jaıynda baspasóz konferensııasy ótti.
Eýropalyq odaq pen Qazaqstan arasyndaǵy dıplomatııalyq qatynastardyń 25 jyldyǵyna oraı Eýropalyq odaqtyń Qazaqstandaǵy О́kildigi, Aqparat jáne kommýnıkasııalar mınıstrliginiń qoldaýymen Qazmedıa medıamektebimen birlese otyryp, qazaqstandyq jýrnalısterge arnalǵan «Eýroodaq – Qazaqstan: áriptestik pen yntymaqtastyqtyń 25 jyldyǵy» atty kásibı halyqaralyq taǵylymdamaǵa baıqaý jarııalaıdy.
Baıqaý Eýropalyq odaq pen Qazaqstan Respýblıkasy arasyndaǵy qatynastardy keńeıtýge ári nyǵaıtýǵa, ashyq dıalog qalyptastyrýǵa jáne Qazaqstan medıa qaýymdastyǵynda Eýropalyq odaq týraly aqparattyń keńeıýine baǵyttalǵan. Baıqaý nátıjesinde EO ınstıtýttary (Eýropalyq Parlament, EO Keńesi, Eýropalyq Komıssııa, Eýropalyq syrtqy ister qyzmeti) men Brıýsselde medıa pýldy zerdeleý úshin bir aptalyq tanystyrý taǵylymdamaǵa qatysýǵa 3 jeńimpaz irikteletin bolady. Sonymen qatar jeńimpazdar Eýropalyq Komıssııanyń kúndelikti brıfıngterine qatysa alady jáne ishinara EO ınstıtýttarynyń jumys mehanızmderimen tanysady. Sondaı-aq jeńimpazdar 2018 jyl barysynda Qazmedıa medıamektebiniń trenıngteri men semınarlaryna («Habar» agenttigi sheberhanasy jobasy) qatysý múmkindigin alady.
Taǵylymdama qorytyndylary boıynsha qatysýshyǵa EO О́kildiginiń jáne Qazmedıa medıamektebiniń atynan usynys hat jáne sertıfıkat tapsyrylatyn bolady.
Konkýrsqa ótinish qabyldaý 2018 jyldyń 30 sáýirine deıin júrgiziledi.
Raýan QAIDAR, «Egemen Qazaqstan»