Sóz basynda birden aıtsam, men taǵdyryma rızamyn. Taǵdyrym Temirtaýǵa toǵysqanyna, osynda úlken eńbek ortasymen tabysqanyma, Qazaqstan Respýblıkasynyń bolashaq Tuńǵysh Prezıdenti Nursultan Nazarbaevpen birge alǵashqy shoıyndy qorytýǵa qatysqanyma, biraz jyl qoıan-qoltyqtasa jumys istegenime, aramyzdaǵy syılastyq qatynas saqtalyp qalýyna rızamyn.
Osydan elý jyl buryn Ýkraınanyń Marıýpol qalasynan alystaǵy Qazaqstanǵa kelgenimde, keleshek ómirimniń bulaı bolaryn boljaı almap edim. Temirtaý bárimizge úlken eńbek mektebi retinde ystyq.Baqytqa bóledi. Ataq-abyroıymyzdy bıiktetti.
Biz eńbek ardagerleri elimiz ómirindegi eleýli oqıǵalardy esimizde jaqsy saqtap kelemiz. Sonyń ishinde, Nursultan Ábishuly Nazarbaevtyń Qazaqstan Prezıdenti bolyp saılanǵan 1991 jyldyń 1 jeltoqsanyn bul ǵumyrymyzda umytpaq emespiz. Ol bárimizge merekeli kúndeı bolyp qalǵandyǵymen qymbat. Memleket basshysyn búkil halyq bolyp saılaýǵa bizdiń qýanyshymyz bólek boldy. О́ıtkeni, Nursultan Nazarbaevtyń qolynan ǵana el basqarý keletini, bıik senimdi basqa eshkim aqtaı almaıtyny jurtqa anyq edi. О́z ortamyzdan qanat qaqqan azamattyń soǵan laıyqtyǵy maqtanysh ta tutyldy.
Meniń otbasym metallýrgter áýleti sanalady. О́zimniń, jubaıymnyń, inimniń, balalarymnyń kombınattaǵy jalpy eńbek ótili 200 jyldan asady. Mine, osy shoǵyrly áýletimizben jup jazbaı saılaýǵa qatysyp, túgelimiz Nursultan Ábishuly úshin daýys berdik. Sodan beri bul áýletimizdegi berik úrdis.
Qazaqstannyń álemdegi irgeli memleketterdiń qataryna qosylýy, damýdyń jańa deńgeıine kóterilýi, baýyrmaldyq men týysqandyqtyń, shańyraǵy tanylýy eń aldymen, Elbasynyń salıqaly, kóregendik saıasatynyń jemisi ekeni daýsyz. Bizdiń kóńilimizge jyly jaǵatyny, júrekke jaqyn tartatyny osy mereıli baǵyt-maqsat. Sondyqtan, qashanda qalaıtynymyz da, tańdaıtynymyz da Nursultan Nazarbaev!
Vladımır KOLBASA, eńbek ardageri.
Temirtaý.