Osydan jıyrma jyl burynǵy búkilhalyqtyq alǵashqy saılaý kúni búginge deıin esimde. Dál sodan bir jyl buryn men Semeı et jáne sút ónerkásibi ınstıtýtynyń rektory bolyp taǵaıyndalǵan edim. Al saılaý ótkeli jatqan shaqta elý jyldyq mereıtoıyma daıyndalyp jatqan bolatynmyn. Mynadaı jaýapty sátte bárin jıyp qoıyp, alǵashqy Prezıdent saılaýynyń daıyndyq jumystaryna kirisip kettim. Zamandasymnyń iskerlik qabilet-qarymyna biraz jyldan beri syrttaı bolsa da qanyq bolǵandyqtan ortaq maqsat jolynda aıanyp qalǵandy jón kórmegenbiz.
Solaısha bizdiń ınstıtýt ujymy men stýdentter qaýymy alǵashqy Prezıdent saılaýyna bir kisideı uıymshyldyqpen qatysyp, óz tańdaýlaryn jasady. Sol joly semeılikter, jalpy qazaqstandyqtar saılaýǵa zor belsendilikpen qatysyp, daýys berýshilerdiń 98,78 paıyzy Nursultan Ábishulynyń kandıdatýrasyn qoldaǵany da esimizde. Sóıtip, saılaý sońy halyqtyq merekege ulasty. Al arada eki aptadaı ýaqyt ótken soń el Táýelsizdigi jarııalandy. Sonyń bári peıilimizdiń durystyǵynyń arqasy dep bilemin.
Sodan beride de zamandasqa degen senimim men qurmetim artpasa, kemigen emes. Qolymnan kelgenshe elge etene Elbasyn qoldap, qýattap kelemin. Sonyń aıǵaǵyndaı, Prezıdent saılaýlarynda birde aýmaqtyq saılaý komıssııasynyń tóraǵasy bolsam, al ótken jyly Qazaqstan Respýblıkasy Prezıdentin kezekten tys saılaý kezinde Memleket basshysynyń osyndaǵy senimdi ókili boldym. Halyqtyń sońǵy saılaýdaǵy Elbasyna degen senimi de barshamyzdyń esimizde. Al halyq seniminen artyq ne kerek! Iá, 40-shy jyldary týǵan bizder zamandasymyzdy maqtan tutamyz!
Nádirbek ÁPSÁLEMOV, Qazaq qarjy-ekonomıkalyq akademııasynyń prezıdenti.
Semeı.