ATA JURTYMYZ QAZAQSTAN RESPÝBLIKASY ATANDY

AQ KIIZDIŃ ÚSTINDE PREZIDENT ANT BERDI

«Egemen Qazaqstan» gazetiniń 1991 jyldyń 11 jeltoq­sanyn­daǵy nómiri osyndaı úlken aıdarmen ashylypty. Onda Nur­sul­tan Ábish­uly Nazarbaevtyń Qazaqstan Res­pýb­lıkasynyń Pre­zıdenti retinde el halqynyń aldynda ant bergendigi habar­la­nyp, anttyń mátini jeke jarııa­lanǵan. «Bizdiń kópultty res­pýb­lıkanyń halqyna qaltqysyz qyz­met etýge, Qazaqstan Res­pýb­lıkasynyń Konstıtýsııasyn qa­tań saqtaýǵa, azamattardyń pra­vo­lary men bostandyqtaryna ke­pildik berýge, Qazaqstan Res­pýb­lıkasy Pre­zıdentiniń ózime júktelgen már­tebeli mindetterin adal oryndaýǵa saltanatty túr­de ant etemin» degen Prezıdent. Munan keıin «Qazaqstan Res­pýblıkasy Prezıdentiniń qyz­metine kirisýi týraly» Qazaq­stan Respýblıkasynyń Joǵarǵy Ke­ńe­si­niń qaýlysy jarııalanǵan. «Qa­zaqstan Respýblıkasynyń Jo­­ǵarǵy Keńesi qaýly etedi.  «Qazaq KSR Prezıdentin saılaý týraly» Qazaq KSR zańynyń 24-statıasyna sáıkes jáne ant berýine baılanysty Nursultan Ábishuly Nazarbaev 1991 jylǵy jel­toqsannyń 10-ynan bastap Qa­zaqstan Respýblıkasynyń Pre­­zıdenti qyzmeti­ne kiristi dep eseptelinsin» delingen qaý­lyda. Qaýlyǵa Qazaqstan Res­pýb­­lıkasy Joǵarǵy Keńesi Tór­aǵa­sy mindetin atqarýshy Serik­bol­syn Ábdildın qol qoıǵan. Munan keıin Nursultan Ábish­uly Na­zarbaevtyń salta­natty ant bergennen keıingi Respýblıka saraıynda jurt­shy­lyqtyń al­dynda sóılegen sózi jarııalanǵan. «Qadirli halaıyq! Qurmetti halyq depýtattary! Qadirli meı­mandar! Dana babalar dástúri­men osy saltanatty sát­tegi sózim­di eń aldymen ata jurtyma, qa­sıetti halqyma arnaımyn! Bú­gingi kún – qazaq eliniń shejiresine máńgi enetin kún. Tarıhtyń talaı buralań belesinen ótip, bul kúnge de jetip otyrmyz. Bá­rin de kórgen halyqpyz, bárine kóngen halyqpyz. Ejelden erkindikti ańsap, azamattyqty kók­seýmen kele jatqan elimizdiń basyna talaı ret baq ta ornap, baǵy da taıyp, saǵy da syn­ǵan, qıly kezeń, zar zamanǵa da talaı ushyraǵan. Aıqaılap júrip ashar­shy­lyqqa ushyrap, urandap júrip ult múd­desin umytqany­myz da aqıqat. Shú­kir, keshteý de bolsa es jıyp, eńse kóte­rip, ege­mendi eldiń týyn da tige bas­ta­dyq. Qazaq Respýblıkasynyń Prezıdentin búkil halyq saı­laǵany – osy jol­daǵy eń bıik belestiń biri. Eldiń qamyn oı­laıdy, namysyn jibermeıdi dep bir aýyzdan senim artqanda­ry­ńyz úshin shyn júrekten alǵy­symdy aıta­myn. Elim úshin, hal­qym úshin, Qazaq­sta­nym úshin ta­rıhtyń qaı synaǵyna da táýekel dep bas tigýge daıynmyn. Bul jolda eń aldymen dana halqyma, dar­qan elime, ata-babanyń arýa­ǵyna súıe­ne­min» dep bastapty Prezıdent óz sózin. Munan keıin qazaq mem­le­ketiniń halyqaralyq qatynas­tyq­ta ózine laıyq oryn alýy, qazaq halqynyń, búkil qazaq­stan­dyq­tardyń baqytty, dáýletti ómir súrip, ózindik mádenıetin órken­detý úshin bárinen buryn respýblıkada tynyshtyq bolǵandyǵy jón ekeni aı­tylady. «El birligi qashan da múdde birliginen bas­talady. Bizdiń bolashaǵymyz Qa­zaqstan halqynyń ortaq múdde­le­s­tiginde. Biz muny kózdiń qa­ra­shyǵyndaı saqtaýymyz kerek» depti Prezıdent. Nursultan Ábishuly óziniń tarıhı sózinde bizge shyn má­ninde ómirdiń bú­kil áleýmettik-ekonomıkalyq ýkladyn túbe­geı­li túrde aýystyrý mindeti tur­ǵan­dyǵyn, al ol tarıh aıqyn tanyt­qan­daı biryńǵaı ıdeıamen ǵana, sol úshin adamdar ýaqytsha qıyndyqtarǵa, tipti jekelegen sátsizdikterge daıyn bolý nıeti ıtermelegen qoǵamda ǵana oıda­ǵy­daı ótetindigin jetkizipti. «Biz úshin bul ıdeıa – erkin egemendi demokratııalyq Qazaqstan memleketi» depti. Qazirgi qoǵam úshin daǵda­rys­ty jaǵ­daıda – eki dáýirdiń shekarasynda ýaqyt faktory zor ról atqaratyndyǵyna, burynǵy Federasııanyń respýblıkalary ara­syndaǵy ulǵaıyp kele jat­qan shıelenis, taıaý aılarda biz kezdesetin problemalardyń ót­kir­ligi yrǵalyp-jyrǵalýǵa ýa­qyt qaldyrmaı, shapshań, batyl da aıqyn is-qımyl jasaýǵa má­j­búr etetindigin atap kórsetken. «Tarıhtyń bizge óndiristik qaty­nas­tardy túbegeıli ózgertýden basqa esh­qandaı tańdaýdy qal­dyrmaǵany qazir árbir derlik adamǵa aıqyn. Biraq naryq eko­no­mıkasyna burylýdyń ǵalamat kúrdeliligi de bizdiń ár­qaı­sy­myzǵa aıqyn bolyp otyr. Alaıda qazir júzege asyrylyp jat­qan sharalar jetkiliksiz. Olar­dyń keıbireýleri shekteýli, ekinshileri jartykesh, úshinshileri konservatıvtik kúshterdiń jasy­ryn jáne aıqyn tejeýine, eski ámirshil-ákimshil júıe qaldy­ǵy­nyń sabota­jyna tap bolyp otyr. Bizge áleýmettik-ekonomı­ka­lyq jaǵdaı­dy turaqtandyrý úshin túbegeıli, bir-birimen baı­la­nysty sharalardy shuǵyl júzege asyrý qajet, óıtkeni qazirgi kezde daǵdarys óziniń qyl ústindegi shebine jaqyndap keledi» depti. Prezıdent birinshi búkil ha­lyq­tyq saılaýda ózine kórset­ken joǵa­ry senim men zor qur­metti tolyq kóleminde sezinetindigin aıtqan. Búkilhalyqtyq senim mandaty – bul is-qımyl jasaý provasy ǵana emes, sondaı-aq Prezıdenttiń búkil halyq aldyndaǵy zor jaýapkershiligi ekendigine toqtalǵan. «Men bizdiń Qazaqstan terı­torııasynda joǵary damyǵan po­lı­et­nıka­lyq órkenıet qura alatyndy­ǵymyzǵa  senemin. Onda qazaq ulty qaıta túleıtin bolady, oǵan enetin barlyq ulttar men ulystar ózderin erkin sezinetin bolady. Saparymyz sát­ti bolsyn!» dep aıaqtapty só­zin elimizdiń Tuńǵysh Prezıdenti Nursultan Ábish­uly Nazarbaev. Eger osydan jıyrma jyl buryn Prezıdenttiń birinshi ret ant qabyldaý saltana­tyn­da aıtylǵan osy sózderdiń te­reń máni men baǵdarlamalyq sı­pa­tyna qazirgi kúnniń bıiginen qaraıtyn bolsaq, Nursul­tan Nazarbaev tarıhtyń tań­daý sátinde el halqynyń al­dyn­da bergen ýádesin tolyq oryndap shyqty deı alamyz. Qazaq­stannyń birinshi Prezıdenti Nursultan Nazarbaev osy ýá­deni oryndaýda jan­ta­lasqan 20 jyldyq ýaqytyn sarp ete otyryp, elimizdi qa­zir­gideı bıikke kóterdi. Tipti nátıjeler sol tusta oıla­ǵan­nan da kóp joǵary bolǵan sekildi. Endeshe, el Táýel­siz­di­giniń 20 jyldyq toıy Elba­sy­nyń juldyzdy shaǵy ekendigine daý joq. Bul reportajdy «Egemendi Qazaqstannyń» baspasóz toby ázirlepti.