Halyqtyń uly tańdaýyna – jıyrma jyl!

Osydan dál jıyrma jyl buryn,  1991 jylǵy

1 jeltoqsanda Qazaqstan halqy Nursultan Nazarbaevty eldiń Tuńǵysh Prezıdenti etip saılady.

Eldik erligi

Ár eldiń tarıhynda belesti oqıǵalar bolady. Sol belesti oqıǵalardy bastap beretin uly kúnder bolady. 1991 jyldyń 1 jeltoqsany biz úshin sondaı kún. Resmı túrde alǵanda ol kúni Qazaq Keńestik Sosıalıstik Respýblıkasynyń Prezıdentin saılaý ótkizildi. Biraq bul resmı túrde ǵana. Bo­dandyqtyń kúni áne-mine batatynyn, Táýel­siz­dik tańynyń áne-mine atatynyn árkim de bilip otyrdy. Ol kúndi búkil halyq kútip otyr­dy.  Shyn máninde ol kúni bolashaq Táýelsiz Qa­zaqstannyń taǵdyryn aıqyn­daıtyn Azamat­tyń joly ashylatyny barshaǵa belgili edi. 1991 jylǵy 1 jeltoqsan kúni saılaý ýchaskelerine kári de, jas ta aǵyldy. Saılaýshylar tizimine jazyl­ǵan­dardyń  88,28  paıyzy daýys berýge keldi. Bul – 8 mıllıon 788 myń 762 adam. Olardyń 98,78 paıyzy daýysyn Nursul­tan Nazarbaevqa berdi. Bul  – 8 mıllıon 681 myń 276 adam. Nursultan Ábishuly Nazarbaev elimizdiń Tuń­ǵysh Prezıdenti bolyp saılandy. Búkil­halyqtyq  qol­daýǵa ıe boldy. Sodan beri Elbasymyzdyń jeńisti  joly jemisti jalǵasyp keledi. Nursultan Nazarbaev osy jıyrma jyldyń ishinde elim degen, jerim degen, eliniń, jeriniń qamyn jegen er ekenin kúnbe-kún kórsetip keledi. Sodan bergi  jeti myń  eki júz toqsan bes  kún men túnniń  bárinde de el tileýin tilegen er júregi er tileýin tilegen el júregimen birge soǵyp,  Qazaqstan atty eldiń bolashaqty betke alǵan uly kóshin bir belesten bir beleske asyrýmen keledi. Taǵy da aı­tamyz: Nazarbaev qazaqtyń esiktegi basyn tórge shyǵaryp berdi. Biz osy­dan shırek ǵasyr buryn ǵana Máskeý «Osy bas­qaryp baıqasynshy» dep ekspe­rı­ment jasaı alatyn, sóıtip, qazaq jerine tabany tıip kórmegen kóldeneń kók attyny biraýyzdan saılata salatyn keńestik res­pýblıka edik. Nazarbaevtyń basshylyǵymen sol keńestik respýblıkadan táýelsiz memleket, egemen el jasaldy. El bolǵanda da qa­tardaǵy el emes, egemen­di­giniń jıyrma jyldyǵyna da jetpeı jatyp Eýro­pa­nyń tórine kóterilip, kári qurlyqqa tóbebılik etken el jasaldy. Halyq isi jolyndaǵy qaharmandyq degen osyndaı bolmaǵanda endi qandaı bolady? Ádette saılaý daýysqa túsken adamdy synǵa salady deımiz. Ol ras. Sonymen birge kez-kelgen saılaý oǵan qatysýshylardy da synǵa salady. Halyqtyń adam tanýy synǵa túsedi ondaıda. Eldiń eldigi synǵa túsedi ondaıda. 1991 jylǵy 1 jeltoqsanda Qazaqstan jur­ty ta­rıhtyń sol synyna tústi. Halqymyz aby­roı­men shyqty ol synnan. Saılaýǵa kelýimen de, laıyqty erge daýys berýimen de danalyǵyn, daralyǵyn, keń­digin, kemeń­ger­ligin kórsetti. Eldiktiń erligin tanytty. Sodan bergi jıyrma jyldyń ishinde Qazaqstan halqy Eldiń baǵyna týǵan Erdiń tóńi­regine toptasyp, eki tizgin, bir shylbyrdy berip, azamatym, ar­da­ǵym dep senip, Elbasyna erip keledi, Táýelsizdiktiń rızyǵyn terip keledi, keleshe­giniń kemel bolarynyń kepilin kórip keledi. Solaı bola da beredi. Sol úshin Elge de rahmet, Erge de rahmet. Berekemizdiń bastaýy bolǵan bul kúndi mereke deýdiń de, ony merekeleýdiń de esh artyqtyǵy joq. О́ıtkeni, bul kún – bizdiń óz tańdaýymyzdy ózimiz jasaýymyzdy, sóıtip,  óz taǵdyrymyzdy ózimiz sheshýimizdi bastap bergen kún. Bul kún  – tarıhymyzda tuńǵysh ret búkil halyq bolyp Prezıdent saılaǵan kúnimiz. Eldiktiń jolyndaǵy eń alǵashqy qa­damymyzdy jasaǵan kúnimiz. Bizdiń uly kúnimiz. Mereke qutty bolsyn!

Saýytbek ABDRAHMANOV.

  «Bolashaq!» dep bergem sonda daýsymdy   Zamanalar almasty, Tún qushaǵyn tańǵa ashty. Azat elge saılandy, Prezıdent alǵashqy.   Táýelsizdik ornady, Shattyqta shek bolmady. Prezıdentin alǵashqy, Búkil halyq qoldady.   Kim umytar bul kúndi, Júrek tolqyp, bulqyndy. Prezıdent alǵashqy, El týymen bir turdy.   Tas jarardaı tolqyny, Taý buzardaı serpini. Elbasymen eń alǵash, Bıiktedi el týy.   Jaqsylyqtar jalǵasty, Talabymyz taýǵa asty. El mereıin kóterdi, Elbasymyz alǵashqy.   Bar halyqpen týystyq, Bar ultpen uǵystyq. Elbasymen ornady, Elde birlik, tynyshtyq.   Bar jaqsymyz jaǵymdy, Elbasymen tanyldy. Jarqyraǵan ǵajaıyp, Jańa astana salyndy.   Tabysqa bar myń negiz, Qol sozamyz kúnge biz. Elbasymen eń alǵash, Bekitildi irgemiz.   Janynyń kóp jaryǵy, Janǵan laýlap jalyny. Elbasymen eń alǵash, Elimdi álem tanydy.   Jarqyraǵan kógińde, Janǵa qurmet, senim de. Elbasymen bıiktep, Bara jatyr elim de! Mahmutbaı ÁMIREULY, Qazaqstan Jazýshylar odaǵynyń múshesi. Qyzylorda.