Kórme tóńiregindegi áńgime

Keshe elordada elimizge resmı saparmen kelgen Halyqaralyq kórmeler bıýrosynyń (HKB) bas hatshysy Vısente Gonsales Lossertales BAQ ókilderimen baspa­sóz máslıhatyn ótkizdi. Sapar maq­saty 2012 jyldyń kóktemin­degi HKB saraptama komıssııa­sy­­nyń qaraýyna oraı EHRO-2017 kór­mesi boıynsha qazaqstandyq usy­nysty qabyldaý bolyp tabylady. – Astananyń EXPO-2017 kór­me­sin ótkizýge mol múmkindikteri bar dep oılaımyn. 2017 jyl Astana úshin erekshe jyl. Qala ózi­niń 20 jyldyǵyn toılaıtyn bo­la­dy. Bul elordanyń bedelin jo­ǵarylatatyn taǵy bir úlken múm­kindik ekeninde daý joq. Qazaq­stannyń EXPO-2017 halyq­ara­lyq kórmesin ótkizý boıynsha daı­yn­­­da­ǵan málimetteri bıýroǵa múshe memleketterge 2012 jyl­dyń naý­­ryz aıynda usynylmaq. Al sońǵy sheshim atalǵan jyldyń qarasha aıynda HKB-nyń shtab páteri Parıjde qabyldanady, – dedi Ha­lyqaralyq kórmeler bıý­rosynyń bas hatshysy Vısente Gonsales Los­sertales. Sondaı-aq ol osy sapa­ry sheńberinde Qa­zaq­stan bas­shy­lyǵy daıyndaǵan negizgi máli­met­termen tanysqanyn jáne onyń joǵary deńgeıde jasalǵanynyń kýási bolǵanyn da jetkizdi. Jýyrda qazaqstandyq delegasııa HKB-nyń mereıtoılyq 150-shi Bas Assambleıasyna qatysyp qaıtqan-dy. Elimiz EHRO-2017 ha­lyqaralyq mamandandyrylǵan kórmesin qabyldaýshy el pozı­sııasyna kandıdat retinde qatys­ty. Otyz mınóttik tusaýkeserde atalmysh kórmeni ótkizý aýmaǵy 3-D formatynda kórermender na­zaryna usynylsa, HKB delegat­tary Astananyń ınfraqury­lym­dyq múmkindikteri jaıynda maǵ­lumattar aldy. Elimiz on tórt jyldan beri Halyqaralyq kórmeler bıýrosy uıymynyń múshesi bolyp keledi. Osy ýaqyttar ishinde Qazaqstan ózin belsendi qatysýshy retinde kórsetip, Aıchı, Saragosa jáne Shanhaı qalalarynda bolǵan kór­melerdi oıdaǵydaı ótkizýge ba­ryn saldy. Qazirgi tańda da osy qarqynyn údete túsken Qazaqstan keler jyly Koreıanyń Esý qala­synda ótetin EHRO-2012 kórme­sine qyzý daıyndyq júrgizýde. Ábdirahman QYDYRBEK, Sýretti túsirgen  Muhtar HALDARBEKOV.