Jýrnalıster marapattaldy

Astanadaǵy «Dıplomat» qo­naq úıinde Táýelsizdi­gi­miz­diń 20 jyldyǵyna oraı «Qa­zaqstan memlekettiliginiń qa­lyp­tasýy men damýy» atty taqyrypqa arnalǵan jýrnalıster men fototilshiler ara­syndaǵy shyǵarmashylyq baı­qaý­dyń jeńimpazdary mara­pattaldy. Atalǵan is-sharaǵa Parlament Senatynyń depýtattary, zııaly qaýym ókilderi, jýrnalıstıka salasyndaǵy pro­fes­sor-ǵalymdar, mınıstrlik­ter­diń jaýapty mamandary, bu­qaralyq aqparat quraldary­nyń ókilderi qatysty. Jıynda Baılanys jáne aq­parat mınıstri Asqar Ju­ma­ǵalıevtyń quttyqtaý hatyn mınıstrliktiń jaýapty hat­shysy Qaırat Ábsattarov oqyp berdi. Sondaı-aq ol Qa­zaqstannyń saıası turaqty­ly­ǵyn, ekonomıkalyq tabys­tar­ǵa jetýin, eldiń ál-aýqatynyń aıtarlyqtaı jaqsarýyn jan-jaqty nasıhattaýda jýrnalıster qaýymynyń úlesi orasan zor ekendigin atap ótti. Qazaqstan Táýelsizdiginiń 20 jyldyǵy aıasynda ótkizil­gen «Qazaqstan memlekettili­gi­niń qurylýy men damýy» atty shyǵarmashylyq baıqaý­dyń nátıjesinde «Egemendi Qazaqstannyń tarıhyna ar­nal­ǵan úzdik avtorlyq fotomaterıal» atalymynda – QR Premer-Mınıstriniń fototilshisi Shúkir Shahaı; «Qa­zaq­stannyń ekonomıkalyq jetistikterin (ekonomıkalyq re­for­malardy jarııalaý) kór­se­tetin eń úzdik maqala» ata­ly­mynda – «Qazaqstan-Zaman» elaralyq gazetiniń tilshisi Jadyra Músilimova (qazaq tilinde) jáne «Naryq álemi» gazetiniń tilshisi Qalmurat Dáý­letbaev (orys tilinde); «Elimizdegi saıası jańartýlar boıynsha úzdik maqala» ata­lymynda – «Táýelsizdik jáne demokratııa» maqalasy úshin (qazaq tilinde) belgili ǵalym, professor, «Mysl» jýrna­ly­nyń tilshisi Ábdesh Qal­myr­zaev jáne «Beles» maqa­la­sy úshin (qazaq tilinde) «Jas qazaq» respýb­lı­ka­lyq gazetiniń jaýapty hat­shy­sy Aǵabek Sydyqov; «Eń úzdik qoǵamdyq-saıası basylym» ata­lymynda – «Aqıqat» ult­tyq qoǵamdyq-saıası jýrnaly; «Táýelsiz Qazaqstannyń gúl­de­nýine arnalǵan qazaq tilindegi eń úzdik televızııalyq jo­ba» atalymynda – «Qazaq­stan. Meniń elim» baǵdar­la­ma­sy úshin telejúrgizýshi, «Qa­zaqstan» telekanalynyń «Apta.kz» aqparattyq-taldaý baǵ­darlamasynyń shef-redak­to­ry, L.Gýmılev atyndaǵy jýrnalıstıka fakýlteti teleradıojýrnalıstıka jáne qo­ǵam­men baılanys kafedrasynyń dosenti Qanat Áýesbaı jáne «Jasampazdyqtyń 20 jyly» fılmi úshin «Qazaqstan- Qaraǵandy» telearnasynyń te­lebaǵdarlamalardy daıyn­daý bóliminiń bastyǵy Áshim­han Janpeıisov; «Táýelsiz Qazaqstannyń gúldenýine ar­nalǵan orys tilindegi eń úzdik televızııalyq joba» ata­ly­mynda – «Velıkaıa mechta» derekti fılmi úshin Qazaqstan Prezıdentiniń Teleradıo kesheni jeńimpaz boldy. Jeńimpazdarǵa júldelerdi – Ǵadilbek Shalahmetov, Sul­tan Orazalın, Namazaly Omashev, Ýálıhan Qalıjan, Saýyt­bek Abdrahmanov, Tatıana Kostına, Qaırat Ábsat­tarov, Áltaıyr Ýyzbaev pen Marat Ábsattarov tabystap, aldaǵy ýaqyttarda da jetistikterge jete berýlerine tilektestik bildirdi. Berik SADYR.